Armenia eta Azerbaijanen arteko muga

Armenia eta Azerbaijanen arteko muga (armenieraz: Ադրբեջան–Հայաստան սահման, translit.: Adrbejan–Hayastan sahman, azerbaijaneraz: Azərbaycan–Ermənistan sərhədi) Armenia eta Azerbaijan arteko nazioarteko muga da. Mugaren luzera 996 km[1] eta 1.007,1 km artean[2] aldatzen da, iturriaren arabera. Europako E002 eta E117 bideek muga zeharkatzen dute.

Armenia eta Azerbaijanen arteko muga
borders of Armenia Borders of Azerbaijan
Geografia
Herrialdeak	Armenia  Azerbaijan
Luzera	996 km

Armenia eta Azerbaijanen arteko mugaren de facto egoera.

De jure mugak, antzinako Armeniako Sobietar Errepublika Sozialista eta Azerbaijango Sobietar Errepublika Sozialista jarraitzen ditu, eta bi segmentu nagusi ditu: Armenia eta Nakhitxevan, Azerbaijanen exklabearen artean dagoena mendebaldean, eta Armenia eta Azerbaijan "kontinentalaren" arteko tarterik luzeena ekialdean. Gainera, hainbat enklabe daude mugaren bi aldeetan, baina jada ez dira existitzen, zentzu juridikoan izan ezik. De facto egoera konplexuagoa da: Nakhitxevango mendebaldeko segmentua ez dago eztabaidagai (Karki/Tigranashen enklabea izan ezik), baina ekialdekoa bai. 1990eko hamarkadan Karabakh Garaia gatazka iturri izan zenetik, de jure ekialdeko mugaren erdia edo mantentzen da, baina hegoaldeko eremuan Karabakh Garaiko Kontaktu Lerroa ezarri da, Azerbaijango lurretan sakon sartzen dena eta ez duena bakarrik Karabakh Garaia hartzen, baizik eta Azerbaijanena berez diren lurraldeak ere; Armeniak eremu hau antolatu du onarpenik ez duen Artsakheko Errepublikan, eta Armeniak Artsakheko Errepublikarekin muga aitortzen du, de jure Armenia-Azerbaijan mugaren parte izango litzatekeen eremuan.