Armada Beltza

Ukrainako Insurrekzio Iraultzailearen Armada (ukraineraz: Революційна Повстанська Армія України, translit.: Revoljutsina Povstanska Armija Ukrainy, errusieraz: Революцио́нная повста́нческая а́рмия Украи́ны, translit.: Revoljutsionnaia Povstancheskaia Armija Ukrainy), ezagunagoa Armada Beltza eta Makhnovtxina izenez, Errusiako Gerra Zibilean Nestor Makhno anarkista ezagunaren agindupean Ukraina eta Krimean borrokan ibili zen armada anarkista izan zen. Gerra hartan beste armada hauek ere borrokatu ziren: boltxebikeen Armada Gorria, kontserbadoreak eta mentxebikeak biltzen zituen Armada Zuria, eta antolatu gabeko nekazari matxinatuen Armada Berdea.