Ardantzako geltokia

Ardantza
	Geltoki kanpoko ikuspegia.
	Kokapen mapa
Lineak
Kokapena
Helbidea	San Andres pasealekua, 2; 20600
Udalerria	Eibar, Gipuzkoa
Geltokiaren datuak
Gunea	4. gunea (Mugi) ; 5. gunea (BGP)
Irekiera	2011ko otsailaren 26a
Irisgarria
Zerbitzuak
Aldageltokia
Nasak	1
Trenbideak	2
Jabea	Euskal Trenbide Sarea
Eragilea	Eusko Trenbideak
Garraio zerbitzuak
EuskoTren	Bilbo ↔ Donostia ; Bilbo ↔ Elgoibar ; Ermua ↔ Eibar
Lurraldebus	DB04 Mallabia > Deba > Ondarroa ; DG05 (Ermua) > Eibar > Eskoriatza > Gasteiz ; DG11 Eibar > Soraluze > Bergara > Arrasate ; DG42G Eibar > Soraluze > Bergara > Arrasate ; DG45G Eibar > Eskoriatza > Gasteiz ; UK05 Zestoa > Azpeitia > Azkoitia > Elgoibar > Eibar > Ermua ;

Ardantza Euskotrenen E1 (Bilbo-Donostia) lineari, eta horren azpi-linea diren 1D (Durangaldea) eta 1T (Tranbia) lineei dagokien estalitako tren geltokia da, Eibar udalerrian kokatuta dagoena, Eibarko udaletxearen atzealdean, hain zuzen ere. Gaur egungo geltokia 2011ko otsailaren 26an ireki zen, eta Mugi sistemaren 4. tarifa-gunearen eta Bizkaiko Garraio Partzuergoaren 5. tarifa-gunearen barruan dago.

43.184702°N 2.473806°W

Bilbo-Donostia trenbidearen barne, geralekuan eskualdeko zerbitzuak eskaintzen dira Bilboko Matiko eta Donostiako Amarako geltokien artean (E1 linea), eta Matiko eta Elgoibarko geltokien artean ere (1D linea). Zerbitzu horiez gain tranbia ezizenez ezagutzen den Ermua eta Eibar elkarlotzen dituen hiriarteko maiztasun altuko zerbitzua ere jasotzen du, (1T linea).

Sarbideak

Geltokiak sarbide bakarra du, kaleko kotan eta trenbideen azpiko bestibulura zuzenean ematen duena. Bestibulutik nasa zentralera igotzeko eskailera zein igogailua erabil daiteke.

San Andres pasealekua, 2

Geltoki berria

Ermua-Eibar-Elgoibar trenbide tartearen bikoizketa lanekin batera Euskal Trenbide Sareak Ardantzako geltoki berria eraiki zuen. Trenbidearen bikoizketarekin hainbat pasonibel kentzen ari dira, bai eta trenbideen zuzenketak ere egiten ari dira. Hala, alde batetik trenen maiztasunak zein abiadura handitu ahal izango dira, eta beste alde batetik trenbidea hirigunean hobeto integratzea lortuko da. Eibarko udaletxearen parean dagoen trenbide zatiaren 180 metro bikoiztu dira. Gainera, trenbidea estali eta honen goialdea espazio publikoa proiektatu da, guztira 2.258 metro koadroko azaleraduna.[1]

Plan horren barruan, 2011ko otsailaren 26an geltoki berria ireki zen. Geltokiak 80 metro luze eta 6 metro zabal den nasa zentrala du. Trenbidearen azpiko mailan bestibulua dago, balioztatze-makinaz eta informazio-bulegoz hornituta, eta trenbidera iristeko eskailerak zein igogailuak daude.

Ermua-Eibar tartea

Euskal Trenbide Sareak Bilbo-Donostia trenbidearen barruan dagoen Ermua-Eibar tartean hainbat lan gauzatu ditu azken urteotan, eta horien artean hurrengoak daude:

2006an Ermuan Izelaietako pasonibela ezabatzeko lanak hasi ziren, eta 2007ko abenduaren 11n lanei amaiera eman zitzaien.[2]

2008ko abenduan San Lorentzo-Unibertsitatea trenbide tartearen lanak hasi ziren, 800 metro luzeko trenbide bikoizketa egiteari ekinez, eta horrekin batera Olarreagako pasonibela ezabatu eta Unibertsitatea-Eibar geltokian moldaketak eginez, 6,7 milioi euroko inbertsioaz. 2010eko abenduaren 1.an tarte honetako lanak amaitu ziren.[3]

2011ko abenduan Karakateko baztertzegunea martxan jarri zen.

2010eko udazkenean Txarakua-Azitain tartean 775 metrotan trenbidea bikoizteko, Txarakuako pasonibela kentzeko, Eibarko geltokia zaharberritu eta geltokiko pasonibela ezeztatzeko, eta Azitaingo geltokia birkokatzeko lanak hasi ziren.[4] Lan hauek 2012ko irailaren 7an amaitu ziren.[5]

2012ko ekainean Amaña-Ardantza tarteko lanak hasi ziren, 650 metro luzeko trenbide bikoizketa eta estaltzea eginez eta lurpean Amaña eta Ardantzako geltokiak eraikiz, geltoki zaharrak ordeztuz. Lanok 2015eko urriaren 24an amaitu ziren.[6]

2012ko uztailaren 2tik Ermuko geltoki berria eraikitzen ari da, eta hau martxan jartzearekin batera Oletxeko pasonibela kenduko da. Lanok 2019ko urtarrilerako amaitzea aurreikusten da.[7]

Lotuneak

Geltokiaren kanpoaldean Lurraldebus zerbitzua hornitzen duen autobus geralekua dago. Hurrengo lineak geralekutik pasatzen dira:

Azitain

DB04 Mallabia > Deba > Ondarroa

DG05 (Ermua) > Eibar > Eskoriatza > Gasteiz

DG11 Eibar > Soraluze > Bergara > Arrasate

DG42G Eibar > Soraluze > Bergara > Arrasate

DG45G Eibar > Eskoriatza > Gasteiz

UK05 Zestoa > Azpeitia > Azkoitia > Elgoibar > Eibar > Ermua

Argazki galeria

Geltoki sarrera.
UT-3500 serieko tren bat Ardantzako geltokian.

Erreferentziak

Eusko Jaurlaritza Irekia. «Eibarrek Ardantza geltoki berria du» (Noiz kontsultatua: 2013-02-10).
«La consejera de Transportes inaugurará el martes el vial de Abeletxe. El Correo» www.elcorreo.com (Noiz kontsultatua: 2018-11-29).
El Diario Vasco. «El desdoblamiento más difícil» (Noiz kontsultatua: 2013-01-28).
Euskal Trenbide Sarea. «Euskal Trenbide Sarea 2012ko Txostena», 18 or. (Noiz kontsultatua: 2017-02-02).
Eusko Jaurlaritza Irekia. «Eibarko eta Azitaingo geltoki berriak eta Txarakua-Azitain zatiaren desbideraketa zerbitzua eskaintzen hasi dira» (Noiz kontsultatua: 2013-03-10).
Irekia Eusko Jaurlaritza. «Lehendakariak Amaña-Eibar tren-azpiegitura berriak bisitatu ditu, baita espazio publiko berriak ere» (Noiz kontsultatua: 2015-10-24).
(Gaztelaniaz) «Colocada la cubierta de la futura estación del tren en Ermua. Deia, Noticias de Bizkaia» Deia (Noiz kontsultatua: 2018-11-28).

Ikus, gainera

Kanpo estekak

Datuak: Q12253890

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] Eusko Jaurlaritza Irekia. «Eibarrek Ardantza geltoki berria du» (Noiz kontsultatua: 2013-02-10).

[2] «La consejera de Transportes inaugurará el martes el vial de Abeletxe. El Correo» www.elcorreo.com (Noiz kontsultatua: 2018-11-29).

[3] El Diario Vasco. «El desdoblamiento más difícil» (Noiz kontsultatua: 2013-01-28).

[4] Euskal Trenbide Sarea. «Euskal Trenbide Sarea 2012ko Txostena», 18 or. (Noiz kontsultatua: 2017-02-02).

[5] Eusko Jaurlaritza Irekia. «Eibarko eta Azitaingo geltoki berriak eta Txarakua-Azitain zatiaren desbideraketa zerbitzua eskaintzen hasi dira» (Noiz kontsultatua: 2013-03-10).

[6] Irekia Eusko Jaurlaritza. «Lehendakariak Amaña-Eibar tren-azpiegitura berriak bisitatu ditu, baita espazio publiko berriak ere» (Noiz kontsultatua: 2015-10-24).

[:0-7] (Gaztelaniaz) «Colocada la cubierta de la futura estación del tren en Ermua. Deia, Noticias de Bizkaia» Deia (Noiz kontsultatua: 2018-11-28).