Arbroath

Arbroath (Eskoziako gaeleraz: Obar Bhrothaig, eskozieraz: Aiberbrothock), Angus eskualdeko herri handiena da, 2011an 23.902 biztanle zituena. Eskualdeko hiriburua ordea Forfar da.

Arbroath
Obar Bhrothaig
Aiberbrothock
 Eskozia
Administrazioa
Estatu burujabe Erresuma Batua
Herrialdea Eskozia
Eskoziako kontseilu guneaAngus
Posta kodeaDD11
Geografia
Koordenatuak56°33′41″N 2°35′09″W
Map
Azalera7.79 km²
Demografia
Biztanleria23.940 (2016)
Dentsitatea3.073,17 bizt/km²
Informazio gehigarria
Ordu eremuaUTC±00:00
arbroath.com

Geografia

Ipar Itsasoaren ertzean kokaturik dago, Dundee (25 km-ra) eta Aberdeen (72 km-ra) arteko bidean.

Historia

Neolito arotik populatua izan da ingurune hau, k.a. 3500 urteko aztarnak aurkitu baitira. Brontze eta Burdin Aroko hilerriak ere ugariak dira. Azkenik hainbat harri pikto ere aurkitu dituzte, Erdi Aroaren hasieran garrantzizko tokia zela erakutsen dutenak.

Gilen I.a Eskoziakoak 1178an Arbroatheko abadia eraiki zuen. 1197an sagaratu zuten eta lanak 1233 arte luzatu ziren. Erregea bera abadian lurperatu zuten 1214an.1320ko apirilaren 6an Eskoziako parlamentua abadian bildu zen eta Arbroatheko Aldarrikapenaren bidez Eskozia Erresuma Independentea sortu zen.

XVIII mendean Jakobiten matxinadak gertatu zirenean Arbroathek beraien alde egin zuen. XIX mendean industria iraultza iritsi zen eta herria zabaldu eta handitu egin zen. Inguruko herriak bezala ehungintza izan zen jarduera nagusia. Belauntzietako ohialak egiten espezializatu zen. Zapatagintza eta kimatzaileak ere egiten ziren herrian.

1839an XIV mendeko kai zaharra zegoen tokian kai handiagoa eraiki zuten. XX mendean arrantzak garrantzia handia hartui zuen eta udalak erraztasunak eman zizkien Abroathera arrantzan lan egitera zetozen inmigranteei. Oso famatua da Arbroatheko legatz keztua.

Ondasun nabarmenak

Iruditegia
  • Herriaren ikuspegia.
    Herriaren ikuspegia.
  • Arbroatheko abadia.
    Arbroatheko abadia.
  • Abadiako eliza zaharra.
    Abadiako eliza zaharra.
  • Uraren dorrea.
    Uraren dorrea.
  • Kaia.
    Kaia.
  • Kaialdea.
    Kaialdea.
  • San Vigeans parrokia.
    San Vigeans parrokia.
  • Parrokia zaharra.
    Parrokia zaharra.
  • Gerra memoriala.
    Gerra memoriala.
  • "Hiru ahizpak".
    "Hiru ahizpak".
  • Abroatheko legatz keztua.
    Abroatheko legatz keztua.


Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.