Apostoleion (Konstantinopla)

Apostoleion edo Apostolu Santuen eliza (grezieraz: Άγιοι Απόστολοι, Agioi Apostoloi) Konstantinoplan zegoen eliza zen. Konstantino I.a Handiaren mausoleoa zen eta 550ean sagaratu zuten.

Apostoleion
Ἅγιοι Ἀπόστολοι
Irudi gehiago
Kokapena
Estatu burujabe	Turkia
Turkiako probintzia	Istanbul probintzia
Milioi bat biztanle baino gehiago dituen hiria	Istanbul
Koordenatuak	41°01′11″N 28°56′59″E
Historia eta erabilera
Irekiera	VI. mendea
Izenaren jatorria	apostolu
Erlijioa	Eliza ortodoxoa
Izena	apostolu
Arkitektura
Estiloa	bizantziar arkitektura

Turkiarrek hiria konkistatu zutenean hau suntsitu zuten eta bere ordez meskita bat eraiki zuten. Gaur egun ezagutzen ditugun datu guziak Prokopio Zesareakoaren eskutik iritsi zaigu.

Oinplano zentralizatua zuen, gurutze greko formakoa. Gurutzearen bost laukiek kupula bana zuten eta erdian, gurutzaduran, kokatzen zen Konstantinoren sarkofagoa. Honen inguruan, hamabi apostoluen erlikiak zeuden, mausoleoari martyriumaren esanahia gehituz. Badirudi, enperadoreak, bere burua 13. apostolua bezala ikusten zuela.

Eredu hau, geroago eraikiko ziren eraikinetan errepikatuko zen, ezagunena Veneziako San Marko basilika.