Apiales

Apiales fanerogamoen ordena bat dira. Ordena honetako familiak berrikusten ari dira eta baliteke horren ondorioz aldakuntza txiki batzuk egotea, bereziki Torriceliaceae familian.

Apiales
Sailkapen zientifikoa
ErreinuaPlantae
AzpierreinuaViridiplantae
Ordena Apiales
Nakai

Badira ordena honen barruan oso ezagunak diren espezieak: azenarioa, apioa, perrexila eta huntza, besteak beste.

Cronquist sisteman Apiaceae eta Araliaceae familiak bakarrik daude sartuta, eta ordena asterideekin baino errosidekin kokatuta. Pittosporaceaeak Errosalekin zeuden, eta beste forma batzuk Cornaceae familian.

Landare hauen artean joera dago zurkaretatik belarkaretara pasatzeko. Erretxinadun hodiak dituzte eta lore pentameroak, hermafroditak, diklamideoak, batzuetan kaliza txiki-txikiarekin. Ginezeo inferoa izaten da, bikarpelarra, karpelo itxiak eta estilo askeak. Loreak gingailetan elkartuta. Batzuetan lore-dimorfismoa dago.

Eskualde epeletan eta hotzetan.

Biotipoak

Zuhaitzak (Ferula batzuk), zuhaixkak (Bupleurum), eta sarriago belarkiak, urterokoak, biurterokoak edo bizikorrak. Hostoak txandakatuak ia gehienetan.

Familiak
  • Apiaceae
  • Araliaceae
  • Aralidiaceae
  • Griseliniaceae
  • Mackinlayaceae
  • Melanophyllaceae
  • Myodocarpaceae
  • Pennantiaceae
  • Pittosporaceae
  • Torriceliaceae

Erreferentziak
  • Chandler, G.T. and G. M. Plunkett. 1994. Evolution in Apiales: nuclear and chloroplast markers together in (almost) perfect harmony. Botanical Journal of the Linnean Society 144: Page 123-147 (abstract available online here).

Kanpoko loturak
Wikimedia Commonsen badira fitxategi gehiago, gai hau dutenak: Apiales Aldatu lotura Wikidatan
Wikispezieetan bada informazioa gehiago, gai hau dela eta: Apiales
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.