Antzoriz lurmuturra

Antzoriz lurmuturra Lekeitio udalerriaren iparraldeko mugan dagoen itsaslabarra da. Santa Katalina izenez ere ezagutzen da, bertan dagoen baselizaren izenetik.

Antzoriz lurmuturra
Motalurmutur
Geografia
Map
Koordenatuak43°22′39″N 2°31′13″W
Herrialdea Euskal Herria
Probintzia Bizkaia
Bizkaiko eskualdeaLea-Artibai
UdalerriaLekeitio
Ur-gorputzaBizkaiko golkoa

Inguru fisikoa

Antzoriz lurmuturraren koordenatuak 43 22,60 I eta 002 30,60 M dira.[1] Otoio mendiaren iparraldeko hegian kokatua dago; ekialderantz Lekeitioko kostaldea dago, eta hirigunea 1,5 kilometrotara; mendebalderantz, berriz, Ispasterko itsaslabarrak eta Ogellako hondartza.

Lurmuturra kareharriz osatua dago, eta bere egiturari esker hainbat kobazulo aurkitzen dira bertan.[2]

Kobazuloak

Lurmuturrean Antzorizko kobak ditugu, Santa Katalina izenez ere ezagunak (baseliza horren azpian daudelako). Haietako batean (Antzoriz I) Santa Katalinako aztarnategia dago, 1982-2000 urteetan induskatu zena eta harrezkero hainbat arlotan Europako arkeologiaren erreferentzia bihurtu dena.[3]

Baseliza

Lurmuturraren gaineko muinoaren tontorrean, Antzorizko Santa Katalina baseliza dago. Erdi Arokoa da (XV. mendea). Gaur egunean ez du erabilpen erlijiosorik, eta esparru partikular batean dago.[4]

Itsasargia

Antzorizko lurmuturrean dago Lekeitioko itsasargi nagusia. 1862an eraikitakoa, gaur egun guztiz automatizatuta dago eta bertan itsas nabigazioari buruzko museo txiki bat bisita daiteke.[1]

  • Antzoriz II eta IV kobazuloak; Santa Katalina baseliza; eta Lekeitioko itsasargia.
    Antzoriz II eta IV kobazuloak; Santa Katalina baseliza; eta Lekeitioko itsasargia.
  • Antzoriz lurmuturra (Lekeitio). Santa Katalinako itsasargia eta baseliza.
    Antzoriz lurmuturra (Lekeitio). Santa Katalinako itsasargia eta baseliza.

Erreferentziak
  1. «D-1502 Faro del Cabo Santa Catalina (Lekeitio)» http://www.masmar.net/ (Noiz kontsultatua: 2018ko maiatzaren 26a).
  2. «Antzorizen oporretan (Lamiña D'Or)» http://actualid-ades.blogspot.com.es/ (Noiz kontsultatua: 2018ko maiatzaren 26a).
  3. BERGANZA GOCHI, Eduardo. ARRIBAS PASTOR, José Luis.. (2014). «La intervención arqueológica en el yacimiento de la cueva de Santa Catalina. Pp:7-24. In. BERGANZA, ARRIBAS et alii. 2014. La Cueva de Santa Catalina (Lekeitio, Bizkaia): La intervención arqueológica. Restos vegetales, animales y humanos.» Kobie Serie BAI (Bilbo) (4).
  4. «Antzorizko Santa Katalina baseliza» http://www.euskadi.eus/ (Noiz kontsultatua: 2018ko maiatzaren 26a).

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.