Anton Shammas

Anton Shammas (arabieraz: أنطون شماس‎, hebreeraz: אנטון שמאס‎; Fassuta, 1950eko irailaren 8a) palestinar idazle, poeta eta itzultzailea da, hebreeraz eta arabieraz idazten duena[1].

Anton Shammas
Bizitza
JaiotzaFassuta (en) Itzuli, 1950eko irailaren 8a (73 urte)
Herrialdea Palestina
Hezkuntza
HeziketaInternational Writing Program (en) Itzuli
Jerusalemgo Unibertsitate Hebrearra
Hizkuntzakhebreera
arabiera
Jarduerak
Jarduerakhizkuntzalaria, poeta, itzultzailea, idazlea, literatura-kritikaria eta egunkariko editorea
Enplegatzailea(k)Michigango Unibertsitatea

Bizitza

1950ean jaio zen. Haren aita palestinarra izan zen, eta ama 1937an Palestinako iparraldeko Fassutara etorri zen libanoarra. Familiako sei seme-alabetako bat da. 1962an, familia Haifara joan zen bizitzera, non Shammasek eskola integratu batean ikasi zuen[2]. 1968an, Shammas Jerusalemera joan zen eta han ingeles eta arabiar literatura eta artearen historia ikasi zituen Jerusalemgo Unibertsitate Hebrearrean[2].

1987an Jerusalem utzi zuen eta orain Ameriketako Estatu Batuetan bizi da, non Michigango Unibertsitateko Literatura Konparatuaren eta Ekialde Hurbileko Ikasketen irakaslea da[3].

Literatura ibilbidea

Shammas Ekialdea (arabieraz: الشرق‎) arabierazko aldizkariaren sortzaileetako bat izan zen, eta 1971tik 1976ra zuzendu zuen. Lehen poema Haaretz egunkarian argitaratu zuen[2]. 1974an, arabierazko lehen poema-bilduma argitaratu zuen, baita hebreerazko poema bilduma bat ere. Hebreerazko hainbat aldizkaritarako ere idatzi zuen. Haren artikuluetako batzuek arabiar identitatearen arazoa estatu judu batean aztertu zuten.

Hebreeratik arabierara, arabieratik hebreerara, arabieratik ingelesera eta ingelesetik arabierara eta hebreerara itzultzen du.

Sariak
  • 1991-1992: Whiting saria[4]
  • 1993-1996: Lila Wallace literatura saria

Erreferentziak
  1. (Ingelesez) «Anton Shammas» University of Michigan jatorrizkotik artxibatua (artxibatze data: 2019-06-18) (Noiz kontsultatua: 2023-11-05).
  2. (Ingelesez) Marzorati, Gerald. «An Arab Voice in Israel» The New York Times Magazine 1988-09-18 (Noiz kontsultatua: 2023-11-05).
  3. (Ingelesez) «Anton Shammas» Khalil Sakakini Cultural Centre jatorrizkotik artxibatua (artxibatze data: 2008-06-07) (Noiz kontsultatua: 2023-11-05).
  4. (Ingelesez) «Ten Writers Win $30,000 Whiting Awards» The New York Times 1991-10-25 (Noiz kontsultatua: 2023-11-05).

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.