Anostraca

Beste branchiopodoen aldean, Anostraca ordenakoek exoeskeleto (kutikula zurruna) ez dute eta ezta ere babesteko beste egiturarik. Begi konposatuak dituzte.

Sabela argiruntz jarrita igeri egiten dute. Iragazketaren bidez elikatzen dira. Haien dieta materia organikoa eta mikroplanktoneko organismo txikiak dira.

Sexu dimorfismo handia dute. Arrek antena handiak dituzte, hagin modukoak; kopularen unean emeak heltzeko erabiltzen dituzte. Emekeek, aldiz, ugalketa garaian obisaku oso nabaria erakusten dute.

Anostrazeoek zazpi familia dituzte.[1]

• Artemiidae familia Grochowski, 1896
• Branchinectidae familia Daday, 1910
• Branchipodidae familia Simon, 1886
• Chirocephalidae familia Daday, 1910
• Polyartemiidae familia Simon, 1886
• Streptocephalidae familia Daday, 1910
• Thamnocephalidae familia Simon, 1886

Ordezkari ezagunena Artemia salina da baina, akuikultura izan duen zabalkundearen ondorioz, Artemia franciscana mundu osoan merkaturatu da. Añanako Gatz Haraneko (Araba) ur gesaletan aldiz Artemia parthenogenetica espeziea bizi da. Haien itxura Jurasikotik ez da aldatu eta fosil bizidunen kontsiderazioa dute. Putzuetan eta aintziretan aurkitzen zaie, bereziki ur gatzatikoak eta iraunkorrak ez direnetan.

• (Ingelesez):J. W. Martin & G. E. Davis (2001). An Updated Classification of the Recent Crustacea. Natural History Museum of Los Angeles County.