Anne Tyler

Anne Tyler
Bizitza
Jaiotza	Minneapolis, 1941eko urriaren 25a (82 urte)
Herrialdea	Ameriketako Estatu Batuak
Bizilekua	Baltimore
Hezkuntza
Heziketa	Duke Unibertsitatea Artean graduatu ; Columbia Unibertsitatea ; Needham B. Broughton High School (en)
Hizkuntzak	ingelesa; errusiera
Jarduerak
Jarduerak	idazlea, eleberrigilea, ipuingilea, haur literatura idazlea, liburuzaina eta literatura-kritikaria
Lan nabarmenak	ikusi If Morning Ever Comes (en) ; The Tin Can Tree (en) ; A Slipping-Down Life (en) ; The Clock Winder (en) ; Celestial Navigation (en) ; Searching for Caleb (en) ; Earthly Possessions (en) ; Morgan's Passing (en) ; Dinner at the Homesick Restaurant (en) ; The Accidental Tourist (en) ; Breathing Lessons (en) ; Saint Maybe (en) ; Ladder of Years (en) ; A Patchwork Planet (en) ; Back When We Were Grownups (en) ; The Amateur Marriage (en) ; Digging to America (en) ; Noah's Compass (en) ; The Beginner's Goodbye (en) ; A Spool of Blue Thread (en) ;
Jasotako sariak	ikusi Pulitzer Saria Fikzioan (1989) ; National Book Critics Circle Award for Fiction (1985) ; Janet Heidinger Kafka Prize ;
Kidetza	Ameriketako Estatu Batuetako Arte eta Letren Akademia; Arteen eta Zientzien Ameriketako Estatu Batuetako Akademia; Phi Beta Kappa Elkartea
	annetyler.com

Anne Tyler (Minneapolis, Minnesota, AEB, 1941) estatubatuar eleberrigilea da. Oso ezaguna Estatu Batuetako erdi mailako klaseko familia-bizitzaren deskripzio zorrotzak egin izan dituelako. Tylerren pertsonaia gehienak eguneroko bizitzako arazoei aurre egin behar dieten pertsona arruntak dira.

Biografia

Anne Tyler Minneapolisen jaio zen, baina askotan aldatu ziren etxez, harik eta, berak zazpi urte zituela, kuakero-komuna batean bizitzen gelditu ziren arte. 1952an Raleighera joan ziren bizitzera, Ipar Carolinara. Duke Unibertsitatean egin zituen ikasketak, Reynolds Price eleberrigilearekin, besteak beste. 1961ean lortu zuen lizentzia, eta 1963an Taghi Mohammed Modarressi irandar jatorriko eleberrigile eta psikiatrarekin ezkondu zen, eta Montrealgo McGill Unibertsitatera joan zen harekin batera. Han idatzi zuen bere lehenengo eleberria: If Morning Ever Comes) (1964, "Egunsentia iristen bada"). 1967an Baltimorera joan ziren bizitzera, eta Tyler buru-belarri idazten hasi zen.

Anne Tylerren eleberriak Ipar Carolinako nekazari-giroko herrietan edota Baltimoreko hirian kokatuta daude gehienak. Bere seigarren eleberriarekin lortu zuen ospea eta kritikaren onespena: Searching for Caleb (1976, "Caleb-en bila"), Baltimoreko familia bateko lau belaunaldiren kontakizuna, gizabanakoaren beharrak arakatzeko aitzakia gisa erabilia. Bere hamargarren eleberriak ere izugarrizko arrakasta izan zuen: The Accidental Tourist (1985, "Ustekabeko turista", Lawrance Kasdanek zinemara eramana) bere semearen bat-bateko heriotzari aurre egiten ikasten duen gizon baten historia.

Breathing Lessons (1988, "Arnas ariketak") beren bizitza itxuraz hutsala beren gain hartzen saiatzen diren senar-emaztegai batzuen historia da, eta eleberri horrekin Pulitzer saria irabazi zuen 1989an.

Beste zenbait lan aipagarri: Celestial Navigation (1974, "Zeruko nabigazioa"); Morgan's Passing (1980, "Morganen igarotzea"); Saint Maybe (1991, "Ia santu bat"); Ladder of Years (1995, "Urteen eskailera"); Digging to America (2006); Noah's Compass (2010).

Kanpo estekak

(Ingelesez) Anne Tyler The Internet Movie Database webgunean

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Datuak: Q235615

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.