Ani DiFranco

Angela Maria DiFranco, Ani DiFranco bezala ezagunagoa (Buffalo, New York, 1970eko irailaren 23a) egile abeslari estatubatuarra da. 20 disko baino gehiago argitaratu ditu eta Grammy sari baten irabazlea da.[1] DiFrancoren musika folk rock eta rock alternatibo gisa sailkatu bada ere, punk, funk, hip hop eta jazzaren eraginak ere baditu. Disko guztiak Righteous Babe Records izeneko diskoetxe propioarekin argitaratu ditu eta horrek sormen-askatasun nabarmena eman dio.

Ani DiFranco

(2007)
Bizitza
Jaiotzako izen-deiturakAngela Maria DiFranco
JaiotzaBuffalo, 1970eko irailaren 23a (53 urte)
Herrialdea Ameriketako Estatu Batuak
Hezkuntza
HeziketaNew School (en) Itzuli
Buffalo Academy for Visual and Performing Arts (en) Itzuli
Buffalo State University (en) Itzuli
Eugene Lang College of Liberal Arts (en) Itzuli
Jarduerak
Jarduerakegile abeslaria, abeslaria, kale-artista, musikagilea, gitarra-jotzailea, disko-ekoizlea, poeta, idazlea eta estudioko musikaria
Jasotako sariak
Genero artistikoafolk rock
Ahots motakontraltoa
Musika instrumentuabaxua
gitarra
ahotsa
DiskoetxeaRighteous Babe Records
Sinesmenak eta ideologia
Erlijioaateismoa
anidifranco.com
IMDB: nm0226459 Facebook: anidifranco Twitter: AniDiFranco Instagram: anidifranco MySpace: anidifranco Bandcamp: anidifrancoSouncloud: anidifranco Spotify: 0AiTwNtYX8m4uhfU7rJ8RD iTunes: 3627568 Last fm: Ani+DiFranco Musicbrainz: a7bdc71f-697a-45d9-92b2-a01fbbe50272 Songkick: 521301 Discogs: 11442 Allmusic: mn0000046794 Deezer: 291047 Edit the value on Wikidata

DiFrancok mugimendu sozial eta politiko asko babestu ditu. Righteous Babe Fundazioaren bitartez, abortatzeko eskubidea eta LGBT ikusgarritasuna bezalako kausen aldeko kultura- eta politika-erakundeei babesa eman die. Pete Seeger egile abeslari estatubatuarra du aholkulari.[2]

Biografia

Txikitatik hasi zen gitarra jotzen, eta 9 urte zituela eman zuen lehen kontzertua, Beatlesen bertsioak joaz bere gitarra-irakaslearekin batera. Geroago, gitarraren ordez balleta ikasten aritu zen aldi batez, baina hamalau urterekin musikara itzuli eta bere abestiak idazten hasi zen.

19 urte zituenerako 100 abesti baino gehiago zituen sortuak, eta horietako askok maitasun-harremanei edo genero-desberdintasunei buruz hitz egiten zuten. 1990. urtean, kontzertuetan saltzen zuen maketa baten (Ani DiFranco izeneko lehen lana) bostehun kopia azkar agortu ondoren, bere diskoetxe independentea sortzea erabaki zuen, Righteous Babe Records. Bere diskografia-zigilu propioa sortu zuen lehen artistetako bat izan zen.[1] 1991n bigarren diskoa kaleratu zuen, No So Soft, eta bira bat hasi zuen Estatu Batuetan barna bere autoarekin, ahal zuen leku guztietan joaz. Bere musika-estilo berritzaileak, folk, punk eta rockaren artekoak, bere irudi pertsonal bereizgarriak –kaskamotza, tatuajeak, piercingak– eta lehen urteetan argitaratutako kontzertu eta disko ugariek publiko leiala ziurtatu zioten, eta, pixkanaka kultuko artista bihurtu zen.[3]

Erreferentziak
  1. «Ani Biography – righteousbabe» www.righteousbabe.com (Noiz kontsultatua: 2020-04-24).
  2. (Ingelesez) DiFranco, Ani. (2014-01-28). «Ani DiFranco: Things Pete Seeger Taught Me» WSJ (Noiz kontsultatua: 2020-04-24).
  3. (Ingelesez) «Ani DiFranco | Biography & History» AllMusic (Noiz kontsultatua: 2020-04-24).
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.