Anega

Anega antzinako edukiera-neurria da, zerealetarako erabiltzen zena; hamabi lakariren baliokidea da, eta baita neurri horretan sartzen den ale-kopurua ere.[1]

Gaztelar anega erdiko edukiera zuen kutxa (Cuenca).

Neurria

Anegaren neurria ez zen zehatza eta herriz herri aldaketa txikiak zituen. Fermin Leizaola etnografoak «Donostiako anega bat Gipuzkoakoa baino hamarren bat handiagoa zen» dio. Gipuzkoan, anega bat garik 48-44 kilo zituen -udako edo neguko gariaren arabera-. Anerdia, hortaz, 24 kilo zen. Haren erdia, 12 bat kilo, gaitzeru batean sartzen zen, eta azken horren laurden bat, hiru bat kilo, hartzen zuen lakari batek[2].

Gaztelan fanega zuen izena eta 55,5 litro zuen. Hitza arabierazko faníqa (arabiera klasikoan fanīqah lurra garraiatzeko zakua da) dator. Gaztelaniaz, azalera-unitate moduan erabiltzen bazuten ere, euskarak bi hitz ditu: golde lurra hain zuzen ere.

Bergarako Udaletxeko arkupeetako zutabea eskuineko izkinan. Anega eta beste neurri batzuk tailatuta.
Anega bat eta beste neurri motak neurtzeko irudiak tailatuta daude Bergarako Udaletxeko arkupeetako zutabe batean.


Erreferentziak
  1. Harluxet Hiztegi Entziklopedikoa. Anega. .
  2. Lasa, Irune. (2009-11-18). «Neurriari neurri bila» Berria.

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.