Andres Urrutia

Andres Maria Urrutia Badiola[1] (Bilbo, 1954ko abenduaren 21a) notarioa, idazlea eta, 2005etik, Euskaltzaindiko burua da.

Andres Urrutia


7. euskaltzainburu

2004ko abenduaren 17a -
← Jean Haritxelhar
Bizitza
JaiotzaBilbo, 1954ko abenduaren 21a (69 urte)
Herrialdea Bizkaia, Euskal Herria
Hezkuntza
HeziketaDeustuko Unibertsitatea
Hizkuntzakeuskara
gaztelania
Irakaslea(k)Ricardo de Ángel
Jarduerak
Jarduerakekonomialaria, unibertsitateko irakaslea, notarioa, idazlea eta lexikografoa
Enplegatzailea(k)Deustuko Unibertsitatea
KidetzaEuskaltzaindia
Katalan Ikaskuntzaren Institutuko Filologia Saila
Euskalerriaren Adiskideen Elkartea
Zuzenbidearen Euskal Akademia
Izengoitia(k)Jon Arego
Inguma: andres-urrutia-badiola Literaturaren Zubitegia: 675
Artikulu hau euskaltzainburuari buruzkoa da; beste esanahietarako, ikus «Urrutia».

Bizitza

Batxilergo ikasketak Indautxuko Jesuitetan egin zituen. Deustuko Unibertsitatean Zuzenbide ikasketak burutu zituen, 1976an lizentziatu zelarik, abokatu-ekonomista sailean. Ondoren, notarioa izateko oposizioak prestatu zituen eta, gainditu ostean, Ondarroako notarioa izan zen, 1981etik 1994 arte eta hortik aurrera Bilbon.[2] Deustuko Unibertsitatean Zuzenbide Fakultateko irakasle da, eta eskolak euskaraz nahiz gaztelaniaz ematen ditu.

1984tik 1988ra Euskararen Aholku Batzordeko kidea izan zen. Arlo juridikoan, hainbat lan lexikografiko eta terminologikotan hartu du parte, besteak beste "Euskara legebidean" (Gotzon Loberarekin batera), "Euskara, zuzenbidearen hizkera" eta "Bizkaiko Batzar Nagusiak eta euskara: 1833–1877" lanetan. Labayru ikastegiko kolaboratzailea ere bada.

Idazle gisa, hainbat itzulpen egin ditu (Álvaro Cunqueiroren Hareazko erlojua, Tolkienen Silmarillion edo James Joyceren Ostatua),[3] eta bi narrazio liburu argitaratu:

  • Orrialdeak 1992, Labayru.
  • Berbondo 2004, Labayru.

1997an euskaltzain oso izendatu zuten Alfonso Irigoien ordezkatuz. Azkenik, 2005eko urtarrilaren 27an Euskaltzaindiaren buru hautatu zuten, Jean Haritxelhar ordezkatzeko. Hartara, akademiaren zazpigarren presidente bilakatu zen.

Euskarazko tesitarako 2011ko Koldo Mitxelena sariak[4][5]

Erreferentziak
  1. (Gaztelaniaz) Oviedo, Alex. «Andrés Mª Urrutia, Notario. Presidente de la Academia Vasca de Derecho (AVD-ZEA) y de la Real Academia de la Lengua Vasca-Euskaltzaindia: “Los años en Ondarroa fueron mi mejor máster en euskera y Derecho civil vasco”» Escritura Pública.
  2. erabili.eus. (2004-12-1). Andres Urrutia da euskaltzainburu berria. .
  3. Auñamendi Eusko Entziklopedia. Andrés Urrutia Badiola. .
  4. Zientzia, Elhuyar. (2011-05-01). «Euskarazko Tesien II. Koldo Mitxelena sariak jaso dituzte bost doktorek» Zientzia.eus (Noiz kontsultatua: 2024-03-07).
  5. Maite Oronoz eta Larraitz Uria punta-puntan Mitxelena tesi-sarian – Hizkuntza-teknologiak. (Noiz kontsultatua: 2019-02-27).

Kanpo estekak


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.