Andredena Mariako iturria

Andredena Mariako iturria euskal mitologiaren leku bat da. Bere izenak Amabirjinaren iturria esan nahi du. Oztibarreko Ostabateko basoaren paraje eta iturri baten izena da.

Kondairaren arabera, Amabirjina handik igaro omen zen, eta makurtu zen bere uretatik edateko. Edaterakoan, lurrean bere oin baten oinatza utzi omen zuen, baita bere belaunena ere. Inguruko haitz batean beste zulo bat dago, eta sinesmenen arabera Amabirjinaren zamaria zebilen astoaren ferra batek egin zuen[1].

Iturria bisitatzera doazen sinisdunek eskuak zein aurpegia bertako haitzeko ezpondatik sortzen den urarekin garbitzeko ohitura dute, baita bertan lorontziak loreekin jartzeko ere. Haitzan ere egurrezko gurutze zein Amabirjinaren irudi zein estanpa txikiak pairatzen dituzte.

Hauetako zenbait egurrezko gurutzei lotuta ile xerloak ikusten dira, buruko gaitzak bertako uren eskerrez sendatutako jendeak utzita.

Andredena Mariako iturri hau antzineko euskal sinesmen jentilak sinesmen kristau berriekin nahasten diren paraje anitzetako bat da.

Erreferentziak
  1. Jose Miguel Barandiaran, obras completas. Egilea, Jose Miguel de Barandiaran. Argitaletxea: Editorial la gran enciclopedia vasca, Bilao 1976.

Bibliografia
  • Jose Miguel Barandiaran, obras completas. Egilea, Jose Miguel de Barandiaran. Argitaletxea: Editorial la gran enciclopedia vasca, Bilao 1976.

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.