Andrea Momoitio

Pikara Magazinen lanean hasi zen aldizkaria jaio zen unetik, 2010ko azaroan, bera kazetaritza ikasle zela. Gazte feministei buruzko erreportaje batekin hasi zen.[2] Koordinatzaileetariko bat zen eta bertan argitaratu ditu gai ezberdinei buruzko hamaika erreportaje: emakumeak xakean, haurduntza subrogatua, feminismoaren memoria historikoa, eta abar. Pikararentzat elkarrizketatu ditu, besteak beste, Leticia Dolera zimena-zuzendaria, Viruta Ftm eta Alicia Ramos kantautoreak, Silvia Federici filosofo eta idazlea, Laura Bugalho eta SC Natzab (lehenago Zuriñe Baztan) ekintzaileak.[3]

2013tik aurrera konferentziak, tailerrak eta hitzaldiak ematen ditu Estatuan zehar batez ere generoa, feminismoa, komunikazioa, kazetaritza feminista eta sare sozialak bezalako gaiak landuz.[4][5] [6][7] Artikulu honen sarreran apaturiko hedabideetaz aparte, Pueblos, Viento Sur, La Espiral eta Cáscara Amarga bezalakoetan argitaratu ditu artikuluak eta erreportajeak.[8][9][10]

Hamabost egunean behingo iritzi-zutabe bat du Publikoan,[11] memoria historikoarekin eta emakumeekin lotua.[12] Eta Ctxt,[13] El Salto, Periódico Diagonal, Público, Eldiario.es, Madeja edo Altaïr Magazine bezalako hedabideetako lankidea da.[14][15][16][17]

2017ko martxoaren 27an "No te metas en política" show-ra gonbidatua izan zen [18]

"De eso no se habla" telesailean parte hartu du Lunáticas podcast-arekin, Lunática liburuan oinarrituta.[19]

2013an Pikara Magazinerentzat ere Mendebaldeko Saharan burutu zen Saharar Emakumeekiko elkartasunerako Nazioarteko III Konferentziaren berri eman zuen: Mendebaldeko Saharako lurralde okupatuetako emakumeen erresistentzia.[20] 2016an +Pikara (Eldiario.es) eta Periódico Diagonal-en Greziako Karabanaren berri eman zuen hainbat gairi buruz idatziz: mugak irekitzen, Europar Batasunaren migrazio-politikak salatzeko mobilizazioa eta Europara iristen diren errefuxiatuen egoera.[21]