Anatolijs Gorbunovs

Anatolijs Gorbunovs
	; Irudi gehiago
Saeimako kidea	; ; Hautetsia: 7th Saeima (en)
Saeimako kidea
Bizitza
Jaiotza	Pilda (en) , 1942ko otsailaren 10a (82 urte)
Herrialdea	Sobietar Errepublika Sozialisten Batasuna ; Letonia
Hezkuntza
Heziketa	Rigako Unibertsitate Teknikoa
Hizkuntzak	letoniera
Jarduerak
Jarduerak	politikaria
Lantokia(k)	Riga
Jasotako sariak	ikusi Order of the Three Stars, 2nd Class ; Grand Cross of the Order of Grand Duke Gediminas ;
Sinesmenak eta ideologia
Alderdi politikoa	Latvian Way (en) ; Sobietar Batasuneko Alderdi Komunista

Anatolijs Gorbunovs (errusieraz: Анато́лий Валериа́нович Горбуно́в; Ludza, Letonia, 1942 -) letoniar politikaria da.

Biografia

Rigako Institutu Politeknikoan egin zituen ikasketak, eta eraikuntza-industrian eta estatuaren landetxe batean lan egin zuen karrera politikoa hasi aurretik.

1966an Sobietar Batasuneko Alderdi Komunistako (PCUS) kide egin zen eta 1974. urtean eskuratu zuen alderdi barruko lehenengo kargua. Harrezkero, zenbait kargu izan zituen bere esku, besteak beste Kiroveko barrutiko idazkari nagusiarena eta Letoniako Batzorde Zentraleko Ideologia Idazkariarena.

1988an Letoniako Errepublika Sozialista Sobietarreko Presidiumeko lehendakari izendatu zuten (RSSL), eta horrela eskuratu zuen Errepublika hartako kargu politiko gorena. 1991n Letoniak burujabetasuna eskuratu zuenean aldatu egin zen kargu haren izena (Kontseilu Goreneko lehendakaria), baina Gorbunovsek jarraitu zuen Letoniako lehendakari izaten 1993. urtea arte.

Burujabetasuna eskuratu aurretik Errusiaren aldeko jarrera moderatua erakutsi zuen, eta kritikak jaso zituen horregatik, baina burujabetasunaren ondoren Errusiako gobernuaren politikaren arerio nagusietako bat izan zen. Besteak beste 1994. urtea ezarri zuen Letoniatik gudaroste atzerritarrak ateratzeko data gisa, eta ez errusiar gudarostea erretiratzen hastekoa, Errusiak nahi zuen bezala, eta nazioarteko ikuskatzaileak eskatu zituen 1993ko Letoniaren eta Errusiaren arteko negoziazioetarako. 1993. urtean Guntis Ulmanisek hartu zuen errepublikako lehendakari kargua, eta Gorbunovs Letoniako legebiltzarreko lehendakari izendatu zuten. 2002. urtera arte izen zen legebiltzarreko kide.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q449618
Multimedia: Anatolijs Gorbunovs / Q449618

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.