Ana María García García

Ana María García García (Valentzia, 1963)[1] Espainiako medikua da, Prebentzio Medikuntzako eta Osasun Publikoko irakaslea Valentziako Unibertsitatean eta Bartzelonako Pompeu Fabra Unibertsitateko Laneko Osasun Ikerketarako Zentroan (CISAL) ikertzailea. Valentziako Generalitateko Osasun Publikoko zuzendari nagusia izan da 2015etik 2019ra.

Ana María García García
Bizitza
JaiotzaValentzia, 1963 (60/61 urte)
Herrialdea Espainia
Hezkuntza
HeziketaValentziako Unibertsitatea
Jarduerak
Jarduerakmedikua eta unibertsitateko irakaslea
Enplegatzailea(k)Valentziako Unibertsitatea
Pompeu Fabra Unibertsitatea

Ibilbidea

1986an, Medikuntza eta Kirurgian lizentziatu zen Valentziako Unibertsitatean, eta doktoregoa lortu zuen unibertsitate berean 1990ean. Urte horretan bertan Osasun Publikorako Ikerketarako Valentziako Institutuak (IVESP) antolatutako osasun publikoan masterra egin zuen. Londresko Unibertsitateko London School of Hygiene and Tropical Medique-n ondoren, 1997an bigarren doktoretza lortu zuen.

1989an irakasle eta ikertzaile lanetan hasi zen Valentziako Unibertsitateko Prebentzio Medikuntza eta Osasun Publikoa, Elikagaien Zientziak, Toxikologia eta Legezko Medikuntza Sailean. 2012. urteaz geroztik irakaslea da han.

Epidemiologian, osasun publikoan eta laneko osasunean aditua da, arlo horretan ekarpen garrantzitsuak egin ditu. Ikerlaria ere bada CIBER d'Epidemiologia i Salut Pública-n eta Bartzelonako Pompeu Fabra Unibertsitateko Centre d'Investigació en Salut Laboral (CiSAL).[1]

Ikerketa eta irakaskuntza arloan, berrogei proiektu publiko baino gehiagotan ikertzaile eta kolaboratzaile nagusia izan da. Aldizkari zientifikoen batzorde zientifiko eta editorialeko kide izan da: Gaceta Sanitària i Journal of Epidemiology and Community Health, eta Arxius de Prevenció de Riscos Laborals aldizkariaren zuzendaria. Ehun artikulu zientifiko baino gehiago aldizkari espezializatuetan, estatuko eta nazioarteko topaketetan aurkeztutako ehun eta berrogeita hamar komunikazio, berrogei liburu zientifiko egile edo egilekide gisa eta bere arloarekin lotutako txosten zientifikoak daude bere curriculeam.[1]

2015 eta 2019 artean Valentziako Erkidegoko Osasun Publikoko zuzendari nagusia izan zen.OVID-19 krisian Gobernuari aholkuak ematen dizkion "adituen batzordeko" kide izan zen.

2020ko urrian Espainiako Epidemiologia Kongresua ixteko hitzaldia egin zuen.[2]

Erreferentziak
  1. «Currículum de Ana María García García - Conselleria de Sanitat Universal i Salut Pública» www.san.gva.es (Noiz kontsultatua: 2020-11-04).
  2. Iraola, Arantxa. ««Uda heldu zen, eta erabakiak hartu behar zituztenek presioak zituzten»» Berria (Noiz kontsultatua: 2020-11-04).

Kanpo estekak

Ana María Garcíaren hitzaldia "Prevención de Riesgos Laborales"

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.