Amets Arzallus

Amets Arzallus
	; Irudi gehiago
	Ahotsa
Bizitza
Jaiotzako izen-deiturak	Amets Arzallus Antia
Jaiotza	Hendaia, 1983ko azaroaren 9a (40 urte)
Herrialdea	Lapurdi, Euskal Herria
Familia
Aita	Jexux Arzallus
Anai-arrebak	ikusi Maddalen Arzallus;
Familia	ikusi Juan Mari Arzallus Egiguren (osaba);
Hezkuntza
Heziketa	Euskal Herriko Unibertsitatea
Hizkuntzak	euskara; frantsesa; gaztelania
Jarduerak
Jarduerak	bertsolaria, kazetaria, zinema aktorea, film-zuzendaria, film screenwriter (en) eta idazlea
	Parte-hartzailea 2022ko Bertsolari Txapelketa Nagusiko finala ;
Lan nabarmenak	ikusi Miñan;
Jasotako sariak	ikusi Zilarrezko Euskadi Saria (2020) : Miñan;

Amets Arzallus[1] Antia (Hendaia, Lapurdi, 1983ko azaroaren 9a) bertsolaria, kazetaria eta bertso irakaslea da. 2013ko Bertsolari Txapelketa Nagusia irabazteaz gain,[2] lau aldiz nagusitu da Xilaba Bertsulari Xapelketan eta beste hainbestetan Nafarroako Bertsolari Txapelketan.

Amets Arzallus abesten, atzean Sustrai Colina duela.

Amets Arzallus. Egilea: Maitane Azurmendi

Bizitza

Jexux Arzallus bertsolari ezagunaren eta Miren Antiaren seme, eta Itsaso Arzallus eta Maddalen Arzallus bertsolariaren neba, Donibane Lohizunen jaio zen, baina txikitatik Hendaian bizi da. Aitaren eta familiaren eraginez, txikitan hasi zen bertsotan, baita kirolean ere (futbola eta pilota ditu gustuko, besteak beste).[3] Hendaia eta Kanboko ikastoletan eta Baionako lizeoan aritu ondoren kazetaritza ikasi zuen EHUn. Egun Argia aldizkarian eta Euskadi Irratian kolaboratzen du, eta Hendaiako bertso eskolan ere aritzen da.[4][5]

2016an, Donostia izan zenean Europako kultura-hiriburua, dokumental baten protagonista izan zen "Europa Transit" enbaxada ibiltarien proiektuaren barruan, gatazken lekukoak izan diren edo diren europar hirien inguruan. Arzallus harremanetan egon zen exodo txipretarrarekin bizipenak eduki zituzten musikari eta poetekin.[6]

Bertsolaritza

Lehen plaza Beasainen egin zuen, 1992ko Gipuzkoako Eskolarteko txapelketan.[5] Han lagun izan zituen Sustrai Colina adiskidea eta Itsaso arreba. Eskolarteko txapelketetan emaitza oparoak izan zituen.

Ordutik aurrera goren-goreneko mailan dabil. 2000ko Nafarroako txapelketan txapeldun izan zen. 2005eko Euskal Herriko Bertsolari Txapelketa Nagusian finalera heldu zen; 2009ko Bertsolari Txapelketa Nagusian txapeldunorde izan zen,[4] Maialen Lujanbioren ostean; eta 2013koan, berriz, txapeldun izan zen. Iparraldeko Xilaba Bertsulari Xapelketa ere irabazia du, 2008, 2010 eta 2012. urteetan.

Lorpenak

Txapelketak

Bertsolari Txapelketa Nagusia:
- Txapelduna (1): 2013
- Bigarrena (2): 2009 eta 2022
- Finalean (5): 2005, 2009, 2013, 2017, 2022
Nafarroako Bertsolari Txapelketa:
- Txapelduna (4): 2000, 2001, 2002, 2003
Xilaba Bertsulari Xapelketa:
- Txapelduna (4): 2008, 2010, 2012, 2021
- Bigarrena (1): 2016
Euskal Herriko Eskolarteko Txapelketa (2):
- 1997 (handitan)
- 1996 (txikitan)

Sariak

Zarauzko Kopla Txapelketa (1): 2010

Liburuak

Bidaia kronika

Illimani: Boliviako izpiak eta hizkiak (2006, Argia liburuak).

Eleberria

Miñan (2019, Susa). Ibrahima Balde migrantearekin idatzitako nobela honek Zilarrezko Euskadi Saria eskuratu zuen 2020an.[7]
Ibrahima Balde eta Amets Arzallus

Kazetari lanak

Amets Arzallus Antia kazetaria da lanbidez eta berak egindako elkarrizketa berezienetakoa, 2017an bere aita Jexux Arzallusi egindakoa izango da. Elkarrizketa hau, Tolosaldeko Atarian[8] argitaratua izan zen eta aitaren jaiotetxean, Goiazko Arre baserrian, egin zion.

Erreferentziak

Abizena Arzallus idaztea, euskal herritar horren aukera pertsonala da. Izan ere, Euskaltzaindiak, euskara baturako, Artzallus onartu du deitura horren grafiatzat. Ikus Euskal Onomastikaren Datutegia.
«Bertsolari Txapelketa Nagusia 2013» www.bertsozale.eus (Noiz kontsultatua: 2019-06-04).
«Amets ARZALLUS — Euskal kultur erakundea» www.eke.eus (Noiz kontsultatua: 2019-06-04).
Elkartea, Xenpelar Dokumentazio Zentroa-Bertsozale. «Amets Arzallus - Biografiak - BDB. Bertsolaritzaren datu-basea» bdb.bertsozale.eus (Noiz kontsultatua: 2019-06-04).
«Arzallus Antia, Amets - Auñamendi Eusko Entziklopedia» aunamendi.eusko-ikaskuntza.eus (Noiz kontsultatua: 2019-06-04).
"Amets Arzallus protagoniza el documental del viaje de Europa Transit a Chipre" (Noticias de Gipuzkoa).
SL, TAI GABE DIGITALA. (2020-11-18). «Amets Arzallus, Ibrahima Balde eta Eshkol Nevok jasoko dituzte Zilarrezko Euskadi Sariak» naiz: (Noiz kontsultatua: 2020-11-28).
««Dena da hizkuntza, dena da politika, dena da bertsoa, dena da konpromisoa...» - Bidania-goiatz» Tolosaldeko ataria (Noiz kontsultatua: 2021-11-26).

Kanpo estekak

Datuak: Q12253347
Multimedia: Amets Arzallus / Q12253347

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] Abizena Arzallus idaztea, euskal herritar horren aukera pertsonala da. Izan ere, Euskaltzaindiak, euskara baturako, Artzallus onartu du deitura horren grafiatzat. Ikus Euskal Onomastikaren Datutegia.

[2] «Bertsolari Txapelketa Nagusia 2013» www.bertsozale.eus (Noiz kontsultatua: 2019-06-04).

[3] «Amets ARZALLUS — Euskal kultur erakundea» www.eke.eus (Noiz kontsultatua: 2019-06-04).

[:0-4] Elkartea, Xenpelar Dokumentazio Zentroa-Bertsozale. «Amets Arzallus - Biografiak - BDB. Bertsolaritzaren datu-basea» bdb.bertsozale.eus (Noiz kontsultatua: 2019-06-04).

[:1-5] «Arzallus Antia, Amets - Auñamendi Eusko Entziklopedia» aunamendi.eusko-ikaskuntza.eus (Noiz kontsultatua: 2019-06-04).

[6] "Amets Arzallus protagoniza el documental del viaje de Europa Transit a Chipre" (Noticias de Gipuzkoa).

[7] SL, TAI GABE DIGITALA. (2020-11-18). «Amets Arzallus, Ibrahima Balde eta Eshkol Nevok jasoko dituzte Zilarrezko Euskadi Sariak» naiz: (Noiz kontsultatua: 2020-11-28).

[8] ««Dena da hizkuntza, dena da politika, dena da bertsoa, dena da konpromisoa...» - Bidania-goiatz» Tolosaldeko ataria (Noiz kontsultatua: 2021-11-26).