Amerikar Beisbol Liga

Amerikar Beisbol Liga edota Beisbol Liga Amerikarra, ingelesez American League (AL) edota American League of Professional Baseball Clubs, AEBtako eta Kanadako bi Beisbol Liga Handietako bat da, bestea Beisbol Liga Nazionala da.

Liga Nagusia bilakatzeko asmoz sortutako Mendebaldeko Liga (Western League) izeneko liga txikiago baten bilakaera izan zen. 1899ko urriaren 11an Mendebaldeko Liga Nagusia gisa berrizendatua izan zen eta 1900-1901 artean hiri handi askotara hedatuz gain, gaur egungo izena jaso zuen.

Antzinagokoa zen Beisbol Liga Nazionalak liga berri hau ez zuen onartu, eta azkenean bi ligen arteko liskar eta epaiketak jazo ondoren euren arteko maila eta baldintzen parekidetasuna onartu zen.

Urtero liga honetako txapelduna Amerikar Ligako Txapelketa Sailetan jokatutako partidu sailean erabakitzen da.