Amado Alonso

Amado Alonso García (Lerin, Nafarroa, 1896ko irailaren 13a - Arlington, Massachusetts, 1952ko maiatzaren 26a) nafar literatura-kritikari eta hizkuntzalaria izan zen. Ramón Menéndez Pidalekin ikasi zuen Madrilgo Unibertsitatean. Alemanian espezializazio-ikasketak egin zituen. Gero, Buenos Airesko Unibertsitatean, Filologia Institutuko zuzendaria izan zen, hamabi urtez (1927-1939). Handik, Estatu Batuetara aldatu zen, Kalifornia, Illinois, Columbia eta Harvard Unibertsitateetan irakatsiz. Filologia eta dialektologiako ikerketak literatura-kritikaren inguruan egindakoekin aldizkatu zituen. Aurreneko sailekoak dira: Problemas de dialectología hispanoamericana (1930), El problema de la lengua en América (1935), El castellano, idioma nacional (1943) eta abar. Bigarren sailean, estilistikari dagozkionak aurkitzen dira, A. Alonso gai horren aitzindaria izan baitzen Espainian: Poesía y estilo de Pablo Neruda (1940), Materia y forma en poesía (1955) eta abar. Bestalde, fonetika historikoaren alorreko tratatu bat utzi zuen: De la pronunciación medieval a la moderna en español (1955). Zenbait aldizkariren zuzendari ere izan zen: Revista de filología hispánica (1939-1946), Nueva revista de filología hispánica (1947tik aurrera).

Amado Alonso
Irudi gehiago
Bizitza
Jaiotza	Lerin, 1896ko irailaren 13a
Herrialdea	Nafarroa Garaia, Euskal Herria
Heriotza	Arlington, 1952ko maiatzaren 26a (55 urte)
Hezkuntza
Heziketa	Unibertsitate Zentrala
Hizkuntzak	gaztelania
Ikaslea(k)	ikusi Ángel Rosenblat (en) María Rosa Lida de Malkiel
Jarduerak
Jarduerak	filologoa, hizkuntzalaria, unibertsitateko irakaslea, literatura-kritikaria eta erromanista
Enplegatzailea(k)	Harvard Unibertsitatea Buenos Airesko Unibertsitatea
Jasotako sariak	ikusi John Simon Guggenheim Memorial Foundation beka  (1951) honorary doctor of the University of Chicago
Kidetza	Arteen eta Zientzien Ameriketako Estatu Batuetako Akademia