Ama (eskultura multzoa)

Ama (eskultura multzoa)
Jatorria
Sortzailea(k)	Louise Bourgeois
Sorrera-urtea	1999
Ekoizpen lekua	Modern Art Foundry (en)
Ezaugarriak
Materiala(k)	brontzea, altzairu herdoilgaitza eta haitzurdina
Dimentsioak	10.236 () × 8.927 () × 9.271 () mm ;
Pisua	3.658 kilogramo
Genero artistikoa	arte publikoa
Kokapena
Lekua	Bilbo ; Ottawa ; Londres
Herrialdea	Euskal Herria
Probintzia	Bizkaia
Herria	Bilbo, Ottawa eta Londres
Koordenatuak	51°30′28″N 0°05′58″W

Ama (frantsesez Maman) Louise Bourgeois frantziar artistaren armiarma bat irudikatzen duen eskultura handiak jasotzen duen izena da. Berdin edo ia berdinak ziren hainbat Ama osatu zituen Bourgeoisek (zazpi)[1], eta multzo horretako bat Bilbon dago.

Ezaugarriak eta desberdintasunak

Armiarma forma dute eskulturek. Hanka metaliko zorrotzak bederatzi metro altxatzen dira airean, eta hankak batzen dituen gorputzaren azpian, sare metaliko batean, arrautzak daramatza armiarmak. Egin zen lehenaren kasuan, 17 arrautza, marmol zurizkoak[1], hurrengoetan arrosa ukitua zuen marmola erabili zen, eta arrautza kopurua aldakorra da: Tokiokoan 26 arrautza dira, adibidez[2].

Egin zen lehena 1999an osatu zuen Bourgeoisek, eta Tate Modern Londresko museoaren egoitza berriaren inaugurazioan erakutsi zen lehen aldiz, 2000. urtean. 2008an erosi egin zuen Tatek. Maman guztien artean, lehen hau, altzairu herdoilgaitzekoa da, eta bakarra da material horretakoa, gainerakoak brontzezkoak dira[1]. Londresko Ama honez gain, hauek dira beste sei amen kokapen finkoak, nahiz eta batzuetan mugitu egiten dituzten hiriz hiri:

Kanadako Galeria Nazionala, Ottawa, Kanada. 2005an erosia, 3,2 milioi dolarretan[3].
Guggenheim Museum, Bilbo. Guggenheimeko armiarma, kaleko ezagutzan.
Mori Arte Museoa, Tokio, Japonia[2].
Leeum, Samsung Arte Museoa, Hego Korea.
Crystal Bridges Museum of American Art, Bentonville, Arkansas, AEB[4].
Qatar National Convention Center[5], Doha, Qatar^.

Munduko museo ugaritan erakutsia izan da, halaber:

Hanburgoko arte etxearen parean.
Bilboko Guggenheim Museoaren ondokoa.

Erreferentziak

(Ingelesez) Tate. «‘Maman’, Louise Bourgeois, 1999» Tate (Noiz kontsultatua: 2019-08-31).
(Ingelesez) Cheapo, Tokyo. «Maman Spider Sculpture, Roppongi Hills | Tokyo Cheapo» https://tokyocheapo.com/ (Noiz kontsultatua: 2019-08-31).
Idealistless. (2011-01-31). «Mike Bruneau: Home To Maman: getting to know the mother of all sculptures in the Ottawa landscape» Mike Bruneau (Noiz kontsultatua: 2019-08-31).
(Ingelesez) «Crystal Bridges Museum of American Art announces the acquisition of four key artworks by acclaimed American artist Louise Bourgeois» Crystal Bridges Museum of American Art 2015-06-04 (Noiz kontsultatua: 2019-08-31).
(Ingelesez) «Maman by Louise Bourgeois» Qatar Museums (Noiz kontsultatua: 2019-08-31).

Ikus, gainera

Kanpo estekak

Datuak: Q180887
Multimedia: Maman by Louise Bourgeois / Q180887

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[:0-1] (Ingelesez) Tate. «‘Maman’, Louise Bourgeois, 1999» Tate (Noiz kontsultatua: 2019-08-31).

[:1-2] (Ingelesez) Cheapo, Tokyo. «Maman Spider Sculpture, Roppongi Hills | Tokyo Cheapo» https://tokyocheapo.com/ (Noiz kontsultatua: 2019-08-31).

[3] Idealistless. (2011-01-31). «Mike Bruneau: Home To Maman: getting to know the mother of all sculptures in the Ottawa landscape» Mike Bruneau (Noiz kontsultatua: 2019-08-31).

[4] (Ingelesez) «Crystal Bridges Museum of American Art announces the acquisition of four key artworks by acclaimed American artist Louise Bourgeois» Crystal Bridges Museum of American Art 2015-06-04 (Noiz kontsultatua: 2019-08-31).

[5] (Ingelesez) «Maman by Louise Bourgeois» Qatar Museums (Noiz kontsultatua: 2019-08-31).