Althea Gibson

Althea Gibson (1927ko abuztuaren 25a - 2003ko irailaren 28a) Ameriketako Estatu Batuetako tenis jokalari eta golf jokalari profesional bat izan zen. Tenis txapelketa amateur edo profesional bat jokatu zuen lehen kirolari afro-amerikarra izan zen. 1956an, Grand Slam bat irabazi zuen lehen pertsona afro-amerikarra bihurtu zen. Hurrengo bi urteetan Wimbledongo txapelketa eta AEBetako Irekia irabazi zituen eta Associated Pressek Urteko Emakume Kirolaria izendatu zuen 1957 eta 1958an.

Wikimedia Commonsen badira fitxategi gehiago, gai hau dutenak: Althea Gibson Aldatu lotura Wikidatan
Althea Gibson

Bizitza
JaiotzaSilver (en) Itzuli, 1927ko abuztuaren 25a
Herrialdea Ameriketako Estatu Batuak
Talde etnikoaafro-amerikarra
HeriotzaEast Orange (New Jersey), 2003ko irailaren 28a (76 urte)
Heriotza modua: arnas gutxiegitasuna
Hezkuntza
HeziketaFlorida A&M University (en) Itzuli
Williston School (en) Itzuli
Hizkuntzakingeles ertaina
Jarduerak
Jardueraktenislaria, tenis entrenatzailea, autobiografialaria eta golf-jokalaria
Lateralitateaeskuina
Altuera1,80 metro
Jasotako sariak
KidetzaAlpha Kappa Alpha
IMDB: nm0316836 Musicbrainz: d508b709-0dff-47e0-883c-8bab4858f74c Discogs: 3719309 Find a Grave: 7919058 Edit the value on Wikidata

Orotara, 11 Grand Slam irabazi zituen eta, modu honetan, Tenisaren Nazioarteko Ospearen Aretoan (International Tennis Hall of Fame) eta Emakume Kirolarien Ospearen Aretoan (Women's Sports Hall of Fame) bere lekua irabazi zuen. "Inoiz izan den jokalaririk onenetarikoa da[1]", esan zuen Robert Ryland-ek, Venus eta Serena Williams tenislarien entrenatzaileak."Martinak ezin zuen ukitu. Uste dut Williams ahizpak garaitzeko gai izango zela.[1]" 60. hamarkada hasieran emakumeen golf txapelketa profesional batean parte hartzen zuen lehen jokalari afro-amerikarra ere izan zen.

Bizitza

Gibson 1927ko abuztuaren 25ean jaio zen Silver herrian, Hego Carolinako Clarendon konderrian. Daniel eta Annie Bell ziren bere gurasoak kotoi etxalde batean egiten zuten lan[2]. Depresio Handiak herrialdeko gainerako lekuetan baino lehenago jo zuen hegoaldeko nekazal eremua eta, horren ondorioz, Althearen familia Harlemera joan zen 1930ean.

Gibson berehala hasi zen paddle tenisean nabarmentzen eta 1939an, 12 urte zituela, New York Hiriko emakumezkoen paddle tenis txapelketa irabazi zuen. Tenisarekin lehen harremana Harlem River Tennis Club-ean izan zuen 1941ean Buddy Walker musikariaren bidez, zeinak paddle tenisean jokatzen ikusi baitzuen[3]. Buddyk erosi zion Altheari bere lehen sokazko erraketa, berak ez baitzuen nahiko ditu ekipamendua erosteko[4].

Hainbat urtez jarraian American Tennis Association-ek antolatutako txapelketa irabazi zuen, emakumezkoen sailean. Pixkanaka nabarmentzen joan zen goi-mailako tenis jokalari moduan, baina hala ere, txapelketa estatubatuar nagusienetik (AEBetako Irekia) kanpo uzten zuten beti. (Txapelketa honetako arauek arraza edo etniagatik egindako diskriminazio oro espreski debekatzen duten arren, bertan parte hartu ahal izateko puntuak zuriak soilik onartzen zituzten klubetan jokatutako partiduetan lortzen zituzten.)[5]

1950ean, ATAko arduradunek eta Alice Marble erretiratutako txapeldunak egindako presio lanaren ondorioz, Gibsonek Irekian parte hartzeko gonbidapena jaso zuen, hori lortzen zuen lehen jokalari afro-amerikarra bihurtuz. 23 urte betetzen zituen egunean bertan izan zen bere debuta.


Erreferentziak
  1. 1943-, Gray, Frances Clayton,. (2004). Born to win : the authorized biography of Althea Gibson. John Wiley & Sons ISBN 9780471471653. PMC 54611233..
  2. «ESPN.com: CLASSIC - Black tennis pioneer Althea Gibson dies at 76» www.espn.com (Noiz kontsultatua: 2018-03-10).
  3. (Ingelesez) «Althea Gibson - New World Encyclopedia» www.newworldencyclopedia.org (Noiz kontsultatua: 2018-03-10).
  4. 1961-, Stauffacher, Sue,. ([2011], ©2007). Nothing but trouble : the story of Althea Gibson. Dragonfly Books ISBN 9780375865442. PMC 609529707..
  5. (Ingelesez) Henderson, Jon. (2001-07-08). «Triumphing over prejudice» the Guardian (Noiz kontsultatua: 2018-03-30).
Biografia
Hego Carolina
 Artikulu hau Hego Carolinako biografia baten zirriborroa da. Wikipedia lagun dezakezu edukia osatuz.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.