Alsaziera

Alsaziera (alsacien, frantsesez; Elsàssisch zein Elsässisch, alsazieraz; Elsässisch, alemanez) Alsazian (Frantzia) mintzatzen den germaniar hizkuntza bat da. Zehazki, alsaziera alemanikeraren aldaera-multzo bati emandako izena da. Alsazia Frantziaren eta Alemaniaren parte izan da, garaiaren arabera.

Alsaziera
Elsässisch — Elsässerditsch
eta
Datu orokorrak
Lurralde eremua	Frantzia
Hiztunak	700.000
Ofizialtasuna	Inon ez
Eskualdea	Alsazia
Araugilea	Ez du
Hizkuntza sailkapena
giza hizkuntza indoeuropar hizkuntzak germaniar hizkuntzak mendebaldeko germaniar hizkuntzak goi alemaniar hizkuntzak Upper German (en) Alemanikera Low Alemannic German (en)
Informazio filologikoa
Hizkuntza-tipologia	subjektu aditza objektua
Alfabetoa	latindar alfabetoa
Hizkuntza kodeak
Glottolog	alsa1241
Wikipedia	gsw-fr
Linguist List	gsw-als
IETF	gsw-FR

Alsazieraren kokapena, alemanikera hizkuntza-taldearen barnean.

Aleman estandarraren hiztunentzat ez da ulerterraza: Suitzako Basileako alemanarekin eta suabierarekin lotuta dago. Alemannisch edo alemanikeraren aldaera da eta goi-alemanaren parte da. Hala ere, alsazierak frantsesaren eragin nabaria du.

Alsazierazko hiztun askok aleman estandarrez idazten dute, nahiz eta leku izenak normalean alsazierazko forma bereziaz ematen diren (Estrasburgon, esaterako).