Alicia Puleo

Alicia Helda Puleo García, Alicia Puleo izen-deiturarekin ezaguna, (Buenos Aires, Argentina, 1952ko azaroaren 30a) espainiar filosofo feminista da, Valladolideko Unibertsitateko Filosofia Moral eta Politikoko irakaslea. Pentsamendu ekofeministaren garapenagatik nabarmendu da. Bere argitalpen nagusien artean, Ecofeminismo para otro mundo posible (2011) [1] eta Claves Ecofeministas. Para rebeldes que aman a la Tierra y a los animales (2019)

Alicia Puleo

Bizitza
JaiotzaBuenos Aires, 1952ko azaroaren 30a (71 urte)
Herrialdea Espainia
Hezkuntza
HeziketaMadrilgo Complutense Unibertsitatea
Jarduerak
Jarduerakfilosofoa eta ekofeminista
Enplegatzailea(k)Valladolideko Unibertsitatea
aliciapuleo.net
Facebook: alicia.puleo Twitter: AliciaPuleo Edit the value on Wikidata

Ibilbidea

Filosofian doktorea da Madrilgo Unibertsitate Konplutensean eta Filosofia Moral eta Politikoko irakasle katedraduna Valladolideko Unibertsitatean .[2]

Unibertsitate horretako Genero Ikasketen Katedraren Kontseilukoa da eta Madrilgo Unibertsitate Konplutenseko Ikerketa Feministaren Institutuko Kontseiluko partaide da.[3]

Valladolideko Unibertsitateko Genero Ikasketen Katedra zuzendu du hamarkada batez (2000-2010) eta Ikerketa Feministaren Institutuan hainbat mintegi koordinatu ditu, besteak beste, Discurso sobre la sexualidad y crítica feminista y Feminismo y ecología.. [4]

Puleok bere irakasle-ibilbidea ikerketarekin bateratu du eta gizon eta emakumeen arteko desberdintasunari, generoari eta feminismoari buruzko liburu eta artikulu ugari argitaratu ditu.

Bere lanetan, genero desberdintasun hori gainditzea eragozten duten mekanismo soziokulturalak aztertzen ditu, baita filosofia feministak mekanismo horiek desaktibatzeko eskaintzen dituen bitartekoak ere. Ilustrazio frantsesari buruzko zenbait azterlanetan, demokrazia modernoen erroetan dagoen genero-desberdintasunak aztertzen ditu. Schopenhauer-engandik gaur egun arte filosofian sexualitatearen kontzeptuaren bilakaera aztertu du Georges Batailleri egiten dizkio kritikak. "Erotismo transgresiboa" kontzeptuarekin aipatu ditu emakumeen kontrako indarkeria legitimatzen duten teoriak.[5]

Dialéctica de la sexualidad. Género y sexo en la Filosofía Contemporánea (1992), Espainiako Saiakerako Sari Nazionalean finalista izan zen.

2004an, "Mujeres y Ecología: Historia, Pensamiento, Sociedad" liburuaren argitalpena koordinatu zuen. Liburu horretan, mugimendu ekologistaren eta mugimendu feministaren arteko harremana aztertu zuen eta Espainian eta nazioartean izandako hainbat esperientzia jaso ziren.[4]

2011n, "Ecofeminismo para otro mundo posible" (Ekofeminismoa beste mundu posible baterako) argitaratu zuen. Lan horretan, ekofeminismoaren historia jaso eta mugimendu feministak ekologismoari egindako ekarpenak aztertzeaz gain —ez da beti onartzen—, ekofeminismo kritikoa edo ilustratua deitu duenaren proposamena garatu zuen.[1]

2014ko irailetik, Cátedra argitaletxearen Feminismos bildumako zuzendaria da.[6]

2015erako, Ecología y género en diálogo interdiciplinar, liburu kolektiboa editatu eta argitaratu zuen, eta bertan bizi garen gorputzen eta ekosistemen arteko harremanak egituratzen dituzten sare soziokulturalak aztertu zituen.[7]

2019an Claves Ecofeministas. Para rebeldes que aman a la Tierra y a los animales argitaratu zuen bakarka. Hedapen handiko liburua izan zen, 2011ko planteamenduak eguneratzen eta garatzen dituena. Obra berri honetan Verónica Perales artista ekofeministaren hipermedia irudiak jaso dira. Veronica Peralesen QR kodeak bideo- eta audio-edukiekin estekatzen dira, eta Teo Sanz kritiko ekologista eta musikologoaren piano-konposizio laburrez gozatzeko aukera ematen dute.[8]

2020aren amaieran, Ser feministas. Pensamiento y acción liburuko editorea da. Feminismo Bildumaren 30. urtemuga ospatzen duen liburua. Giro feministako goiburu eta hitzorduetatik abiatuta gogoeta egiten duten 40 autorek hartzen dute parte. Egileak, besteak beste, María Xosé Agra Romero, Teresa Alario Trigueros, Xabier Arakistain, Fátima Arranz, Ana de Miguel, María Luisa Fe­menías, Carmen García Colmenares, Teresa Lozano eta Zua Méndez (Towanda Morvelant Molyedad), Cristina Molyares[9]

Desberdintasuna


Teoria feministan, Alicia Puleoren lanak hainbat korronte feministaren arteko zubiak jarri ditu. Berdintasunaren feminismoaren eta Espainiako teoria feministak 1980. eta 1990. urteetan izan zuen desberdintasunaren arteko polarizaziotik harago joanez, Kaliforniako Unibertsitateko Roberta Johnson-en arabera, berdintasunaren feminismoaren arrazoia eta desberdintasunaren feminismoaren afektibitatea konbinatzeko moduak aurkitu ditu Puleok.

Ekofeminismoa

Gaur egungo pentsalari ekofeminista garrantzitsuenetako bat da Puleo. "Mundu-mugimenduari edo ekofeminismo izenaz ezagutzen den orientazio teorikoari dagokionez, Alicia Puleo da, seguru asko, Espainiako filosofo ezagunena" idatzi zuen Johnsonek “For a better World: Alicia Puleo’s Critical Ecofeminism” lanean.

Ekofeminismo kritiko edo ilustratua deitu duenaren proposamena, esentzialismoa ez den ingurumen etikaren forma berri bat da, sexua/generoa kontuan hartuta.[10] Ez du uste emakumeak Naturarekin sinbiosi moduko batean daudenik; aitzitik, uste sendo batetik abiatzen da: feminismoaren eta ekologiaren arteko lotura saihestezina egiten duen hazkunde jasanezineko garai batean bizi garela.[11] Bere ustez, bi ikuspegi horiek aberastuz gero, berdintasun- eta jasangarritasun-kultura eraiki daiteke.

« Nire posizioa doktrinen eta zapalketa-praktiken analisiaren tradizio ilustratuan errotzen da. Emakumeen berdintasuna eta autonomia aldarrikatzen ditut, arreta berezia jarriz ekofeminismo mota batzuetan bizitzaren santutasunaren izenean higa zitezkeen sexu- eta ugalketa-eskubideak onartzeari. Ezagutza zientifiko eta teknologikoaren onurak zuhurtziaz eta begirale-jarrerarekin onartzen ditut. Zainketaren etikaren balioak unibertsal bihurtzea sustatzen dut, emakumeak planetako salbatzaileak izan ez daitezen. Kultura arteko ikaskuntza proposatzen dut, emakumeen giza eskubideei kalterik egin gabe, eta naturaren batasuna eta jarraitutasuna baieztatzen ditu ezagutza eboluzionistatik, erruki-sentimenetik eta gizaki ez diren animalienganako justizia-borondatetik. Beste hori ezezaguna eta isila da, baina irrikatzeko, maitatzeko eta sufritzeko gai da.  »

—Alicia Puleo[12]

Argitalpenak

Banakakoak
    • Cómo leer a Schopenhauer (1991) Editorial Júcar, Gijón-Madrid [[:es:Special:BookSources/8433408097|ISBN 84-334-0809-7]]
    • Dialéctica de la sexualidad. Género y sexo en la Filosofía Contemporánea (1992) Cátedra, Madrid
    • La Ilustración olvidada. La polémica de los sexos en el siglo XVIII (1993) (A. H. Puleo, editora.) Prólogo de Celia Amorós. Con textos de Condorcet, Olimpia de Gouges, , D'Alembert, Louise d'Epinay, etc. Anthropos, Barcelona ISBN 84-7658-408-3X
    • Figuras del Otro en la Ilustración francesa. Diderot y otros autores (1996) Escuela Libre Editorial, Madrid, 1996. [[:es:Special:BookSources/8488816162|ISBN 84-88816-16-2]]
    • Filosofía, Género y Pensamiento crítico (2000) Universidad de Valladolid [[:es:Special:BookSources/8484480267|ISBN 84-8448-026-7]]
    • Ecofeminismo para otro mundo posible (2011) Editorial Cátedra. Colección Feminismos. Madrid. 2011
    • Claves Ecofeministas. Para rebeldes que aman a la Tierra y a los animales (2019) Editorial Plaza y Valdés. ISBN 978-84-17121-21-1

Kolektiboak
    • La filosofía contemporánea desde una perspectiva no androcéntrica, (1992) (A. H. Puleo, coord.), Ministerio de Educación y Ciencia, Madrid. [[:es:Special:BookSources/8436923383|ISBN 84-369-2338-3]]
    • Papeles sociales de mujeres y hombres (1995) (Alicia H. Puleo y Elisa Favaro, coord.), Ministerio de Educación y Ciencia, Madrid, 1995. [[:es:Special:BookSources/8436927672|ISBN 84-369-2767-2]]
    • Philosophie und Geschlecht in Spanien, en Die Philosophin (2002) n.° 26, dezember pp. 103–112. ISSN 09367586
    • Mujeres y Ecología. Historia, Pensamiento, Sociedad (2004) (Cavana, María Luisa; Puleo, Alicia; Segura, Cristina, eds), Almudayna, Madrid [[:es:Special:BookSources/8487090311|ISBN 84-87090-31-1]]
    • Gender, Nature and Death (2005) en De Sotelo, Elisabeth (ed.), New Women in Spain. Social-Political and Philosophical Studies of Feminist Thought, Lit Verlag, Münster- Transaction Publishers, New York, 2005, pp. 173–182. [[:es:Special:BookSources/3825861996|ISBN 3825861996]]
    • Del ecofeminismo clásico al deconstructivo: principales corrientes de un pensamiento poco conocido (2005) en Amorós, Celia, De Miguel, Ana (ed.), Historia de la teoría feminista. De la Ilustración a la globalización, ed. Minerva, Madrid, 2005, pp. 121–152. [[:es:Special:BookSources/848812354X|ISBN 84-88123-54-X]]
    • Un parcours philosophique: du désenchantement du monde à la compassion, L’Esprit créateur (2006) Johns Hopkins University Press, Baltimore, vol.46, n.ºTxantiloi:Esd2 pp. 5–16. ISSN 0014-0767
    • Philosophy, Politics and Sexuality, en Femenías, Mª Luisa; Oliver, Amy; Feminist Philosophy in Latin America and Spain (2007) VIPS RODOPI ed., Amsterdam/New York [[:es:Special:BookSources/9789042022072|ISBN 978-90-420-2207-2]]
    • El hilo de Ariadna: ecofeminismo, animales y crítica al androcentrismo en Feminismo Ecológico. Estudios multidisciplinares de género. Universidad de Salamanca (2007)
    • El reto de la igualdad de género. Nuevas perspectivas en Ética y Filosofía Política (2008) Alicia H. Puleo, ed. Biblioteca Nueva, Madrid [[:es:Special:BookSources/9788497428668|ISBN 978-84-9742-866-8]]
    • Libertad, igualdad, sostenibilidad, por un ecofeminismo ilustrado. (2008) Isegoría. Revista de Filosofía Moral y Política Nº38, Consejo Superior de Investigaciones Científicas, Madrid, enero-junio de 2008, pp. 39–59. ISSN 1130-2097
    • Ecología y Género en diálogo interdisciplinar (2015) Ed. Plaza y Valdés [[:es:Special:BookSources/9788416032433|ISBN 978-84-16032-43-3]]
    • Lo personal es político: el surgimiento del feminismo radical (2005). En Ana de Miguel Álvarez y Celia Amorós. Teoría feminista: de la ilustración a la globalización II. Minerva. p. 58. ISBN 848812354X.
    • Ser feministas. Pensamiento y acción (2020) Alicia H. Puleo (ed) Ediciones Cátedra. Colección feminismos ISBN: 978-84-376-4193-5

Erreferentziak
  1. Entrevista a Alicia Puleo sobre ecofeminismo. .
  2. Felicidades a Alicia H. Puleo por obtener la Cátedra de Universidad de Filosofía Moral. FEd. .
  3. (Gaztelaniaz) Editores, Plaza y Valdés. «Alicia H. Puleo» www.plazayvaldes.es (Noiz kontsultatua: 2021-12-03).
  4. “Mujeres y ecología: historia, pensamiento y sociedad". .
  5. Puleo Alicia - Filosofia Genero Y Pensamiento Critico (incompleto) Pdf. .
  6. Alicia H. Puleo | Plaza y Valdés Editores. .
  7. Género y Ecología en diálogo interdisciplinar. .
  8. Sanz, Teo. Teo Sanz. .
  9. Ser feministas. Pensamiento y acción. .
  10. Romero, Rosalía, “Hacia una Historia del Pensamiento Feminista en España”, Labrys. Études Féministes , nº 10, Francia-Brasil-Canadá, 2006, pp. 1-34.
  11. Posada Kubissa, Luisa, op.cit.
  12. Ecofeminismo para otro mundo posible | Ecologistas en Acción. .

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.