Alesha Dixon

Alesha Anjanette Dixon (1978ko urriaren 7a) britainiar abeslaria eta telebistako pertsonaia da. Welwyn Garden City-n jaio zen, Hertfordshire-n, Ingalaterran. Ama eskoziarra zuen, eta aita, berriz jamaikarra. Mis-Teeq britainiar nesken taldeko kidea izan zen. Bere Erresuma Batuko bakarkako lehen diskoa 2008an plazaratu zuen, The Alesha Show, eta zabalkunde mediatiko handia lortu bertako "The Boy Does Nothing" abesti eta bideoaren bidez.

Alesha Dixon

Bizitza
Jaiotzako izen-deiturakAlesha Anjanette Dixon
JaiotzaWelwyn Garden City, 1978ko urriaren 7a (45 urte)
Herrialdea Erresuma Batua
Familia
Ezkontidea(k)Harvey (en) Itzuli  (2005 -  2006)
Azuka Ononye (en) Itzuli  (2017 -
Hezkuntza
HeziketaMonk's Walk School (en) Itzuli
Hizkuntzakingelesa
Jarduerak
Jarduerakabeslaria, modeloa eta dantzaria
Genero artistikoapop musika
Musika instrumentuaahotsa
DiskoetxeaAsylum Records
Atlantic Records
Polydor Records
aleshadixon.com
IMDB: nm1212791 Allocine: 485348 Rottentomatoes: celebrity/alesha_dixon Metacritic: person/alesha-dixon TV.com: people/alesha-dixon
Facebook: aleshadixonofficial Twitter: AleshaOfficial Instagram: aleshaofficial MySpace: aleshamusic Snapchat: thealeshashow Youtube: UCfY49hxU6SByzF1EWaXi8iQ Souncloud: aleshadixon Spotify: 5jLwURKdEPDvuYnac74s9c iTunes: 60586856 Last fm: Alesha+Dixon Musicbrainz: b54a3b47-8f52-46fd-85f2-49165ea437b8 Songkick: 2087742 Discogs: 530943 Allmusic: mn0001750962 Deezer: 146041 Edit the value on Wikidata

Mis-Teeq

Dixonen ibilbidea 1999an hasi zen Sabrina Washington ezagutu zuenean. Dance Attic delako Londres mendebaldeko dantza eskola ezagunean sartu ziren biak. Inspiration izeneko maketa grabatu zuten. Entzunaldi batean, Su-Elise Nashekin elkartu ziren, eta gero hirukotea osatu zuten. Laster Telstar Records-ekin sinatu zuten kide berri batekin: Zena McNally. UK garage/R&B neska talde ezaguna bihurtu ziren: Mis-Teeq. 2000. urtean kaleratu zuten lehen singlea: Why?. Laster, McNallyk taldea utzi zuen bere kabuz aritzeko. Taldeak hirukote bat izaten jarraitzea erabaki zuen.

2001ean, Lickin' On Both Sides lehen diskoa plazaratu zuten. "All I Want", "One Night Stand", "B With Me" eta "Roll On / This Is How We Do It" abestiak zituen. 2003an, Eye Candy bigarren diskoa kaleratu zuten. Disko hark "Scandalous", "Can't Get It Back" eta "Style" abestiak zituen. 2004an, Mis-Teeq Estatu Batuetan bira egin zuen. "Scandalous" lehen singlea kaleratu zuten euren lehen mis-Teeq album amerikarretik. MisTeeq Lickin' On Both Sides eta Eye Candy diskoen bilduma bat izan zen. One Night Stand kaleratu zuten Europara itzuli aurretik hirugarren diskoarekin lanean hasteko. Hala ere, Telstar Records itxi egin zuten eta taldeak 'Greatest Hits' bilduma bat izan behar izan zuen Universal Recording Company-rekin lizentzia esklusiboekin kaleratua.

Dixon "She Wants to Move"-ren N*E*R*D* musika-bideoan agertu zen. Abesti hori Fly Or Die bigarren diskokoa zen. Bere taldearekin grabatu zuen azken abestia "Shoo Shoo Baby" izan zen. Disneyko Valiant filmerako grabatu zen. 2005eko martxoan, 'Greatest Hits' bilduma kaleratu zuten. Lanean bananduta hasiko zirela ere iragarri zuten. Dixonek Polydor Records-ekin 500.000 ₤-ko kontratu bat sinatu zuela iragarri zuen gero. Bakarkako lehen diskorako materiala landuko zuela ere iragarri zuen. 2005eko udan, bere aspaldiko senargaiarekin ezkondu zen, MC Harvey raperoarekin (lehen So Solid Crew-ko kidea).

Bakarkako ibilbidea

Dixonek urtebete eman zuen Fired Up bakarkako lehen diskoa prestatzen. 2005eko ekainean, Superficial singlea iragarri zuen. Abestia legez kanpo filtratu ondoren, konpainiak bere hurrengo singlea Lipstick izango zela esan zuen. 2006ko abuztuaren 14an "Lipstick" kaleratu zuen. Erresuma Batuko Singleen Zerrendako 13. postuan sartu zen. Dixonek hainbat ekoizlerekin lan egin zuen bere bakarkako lehen diskorako, besteak beste, Richard X, Xenomania, Johnny Douglas, Brian Higgins eta Paul Eppe . Estelle Erresuma Batuko rapero ospetsuarekin abesti batean lan egin zuen.

Dixonek iragarri zuen bere bigarren singlea "Knock Down" izango zela. Abestiari "reggae-influenced" deitu zion. 2006ko urriaren 30ean kaleratu zuen. Fired Up diskoaren promozio bat kaleratu zuen iraileko lehen asteetan. "Lipstick", "Knock Down", "Ting-A-Ling", "Fired Up" eta "Free" abestiak zituen. Abesti horiek guztiak bere lehen diskoan egotea espero zen.

"Knock Down" 40 onenen artean zerrendatu gabe geratu ondoren, bere diskoetxeak utzi zuen. "Fired Up" ez zen inon kaleratu Japonian izan ezik. 2007an Strictly Come Dancing irabazi ostean itzulera egin zuen. 2008an, Dixonek "The Boy Does Nothing" plazaratu zuen, The Alesha Show albumeko single nagusia, eta arrakasta handiz zabaldua, bideo klip batez lagundua. Ondoren, "Breathe Slow" kaleratu zuen, Erresuma Batuko singleen zerrendako 3. postuan sailkatu zena. Hori izan zen orain arteko sailkapenik handiena duen singlea. Dixonek 2010ean plazaratu zuen bere hirugarren diskoa: The Entertainer. 2013an, berriz, bere lehen umeaz erditu zen: Azura Sienna.[1]

Diskografia

Albumak
  • Fired Up (2006)
  • The Alesha Show (2008)
  • The Entertainer (2010)
  • Do It For Love (2015)

Erreferentziak
  1. «Alesha Dixon announces birth of her first daughter» BBC News 10 July 2013.

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.