Alcocero de Mola

Alcocero de Mola
	Espainiako udalerria
	Irudi gehiago
Administrazioa
Estatu burujabe	Espainia
Autonomia	Gaztela eta Leon
Probintzia	Burgosko probintzia
Alkatea	Jesús María Estefanía Virumbrales (en)
Izen ofiziala	Alcocero de Mola
Posta kodea	09258
INEk ezarritako kodea	09010
Herriburua	Alcocero de Mola (en)
Geografia
Koordenatuak	42°28′29″N 3°21′25″W
Azalera	8 km²
Altuera	795 m
Mugakideak	Castil de Peones, Prádanos de Bureba, Carrias, Valle de Oca eta Cerratón de Juarros
Demografia
Biztanleria	41 (2023); 1 (2022)
Dentsitatea	5,13 bizt/km²
Informazio gehigarria
Telefono aurrizkia	947
Ordu eremua	UTC+01:00
Matrikula	BU
	alcocerodemola.es

Alcocero de Mola Burgosko udalerri txikia da, Burebako eskualdean dagoena. Emilio Mola konspiratzaile militarra bertan hil zelako da ezaguna.

2014an 33 biztanle zituen.

Demografia

Bilakaera demografikoa
1900	1910	1920	1930	1940	1950	1960	1970	1980	1990	2000	2010
295	275	229	228	205	199	175	125	79	62	50	40

Herriaren izena

1938rarte Alcocero deitzen zen baina 1938ren ekainaren 3tik aurrera eta BOEn agertu zen bezala "de Mola" gehitu zioten. Emilio Mola, Espainiako Errepublikaren aurkako buruzagi handienetariko bat, bertan hil eta bere omenez herriari bere izena gehitu zioten.

Nahiz eta gaur egungo Espainiako legearen kontra joan (besteak beste, Frankismoko izenak kendu behar dira) izenak horrela dirau XXI. mendean.

Molaren aldeko oroitarria

Hainbeste harrizko eskailera igo eta gero, 20 metroko hormigoizko laukizuzen baten itxura duen oroitarria dago. Barrutik eskailerak daude eta gora igo ahal zen (gaur egun atea tapiatuta dago). Diktadura faxistetako arkitekturaren adibide on bat da, handia eta ikusgarria. Erorien Haran txiki batekin konparatu ahal da, eta baita Mussolinik eta Hitlerrek hain gustukoak zituzten eraikinekin.

Behealdean bost gurutze daude. Bertan agertu ziren Mola eta berarekin zihoazen lau lagunak. Beraz hilerri baten itxura eman zioten "gune sakratua" deituz. Bertan, harritzar handi batean, Molaren aldeko hainbat esaldi idatzita daude.

Gaur egun ere eztabaidatzen da ea benetan istripu bat izan zen edo Mola nahita erail ote zuten Francoren aldekoek. XXI. mende honetan, faxista melankoliko batzuk bisitatzen dute noizean behin eta baita, antifaxistek, gune honen aurkako ekintza ugari egin dituzte. Baina orokorrean, gune hau erdi ahaztuta dago Burgoseko herri txiki honetan.

Ikus, gainera

Burgosko udalerrien zerrenda

Kanpo estekak

(Gaztelaniaz) Herriari buruzko informazioa Burgosko diputazioaren webgunean.

Datuak: Q1614771
Multimedia: Alcocero de Mola / Q1614771

Artikulu hau Gaztela eta Leongo geografiari buruzko zirriborroa da. Wikipedia lagun dezakezu edukia osatuz.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.