Alberto Pedro Torriente

Alberto Pedro Torriente
Bizitza
Jaiotza	Habana, 1954ko irailaren 29a
Herrialdea	Kuba
Heriotza	Habana, 2005eko ekainaren 5a (50 urte)
Hezkuntza
Hizkuntzak	gaztelania
Jarduerak
Jarduerak	antzerkigilea eta aktorea

Alberto Pedro Torriente (Habana, Kuba, 1954 – 2005) kubatar antzerki-idazle, antzezle eta olerkaria izan zen.

Biografia

1987an Teatromío antzerki-taldea sortu zuen Miriam Lezcanorekin batera, eta talde harekin prestatu zituen bere antzerki-lan gehienak. Bere lanetan Kubako aberriaren erroetan eta hurbileko errealitatean oinarritzen zen, eta giza jokabidearen ikuspegi kritikoa eskaintzen zuen, Kubako errealitate aldakorraren islaren bidez.

Bere obretako pertsonaiak oso errealak dira, errealismo handiko lanak idatzi ohi zituen, baina, hala ere, nolabaiteko umorea ere nabarmentzen da, eta horrek ikuslearekiko hurbiltasuna eta sinesgarritasuna ematen die haren antzerkiei.

Aipagarriak dira, azkenaldiko testuen artean, Week-end en Bahía (1986, Week-end-a Bahian); Desamparado (1988, Babesgabe); Pasión Malinche (1991, Pasio Malintxea); Mestiza (1992, Mestizoa); Manteca (1993, Gantza); eta Delirio habanero (1995, Lilura habanarra).

Alberto Pedrok hainbat sari irabazi zituen, eta antzerkian ez ezik, zineman ere lan egin zuen.

Datuak: Q8193574

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.