Albert (aintzira)

Albert kontinenteko erdialdean kokatuta dago, Uganda eta Kongoko Errepublika Demokratikoko mugen artean. Albert Rift haraneko aintziren artean iparralderen dagoen aintzira da; 160 kilometroko luzera eta 30 kilometroko zabalera du, eta lekurik sakonena 51 metro sakon da.

Albert aintzira goiko Niloko sistema korapilatsuaren zati bat da. Bere iturri nagusiak Victoria aintziratik etorritako Nilo ibaia eta Edward aintziratik etorritako Semliki ibaia dira. Behin Albert aintzira zeharkatuta, Nilo ibaiak Nilo Menditsua izena du, Sudandik zehar pasatzean.

Bere kostaldean dauden herrixka gutxirenn artean Butiaba eta Pakwach dira nagusiak.

1864an, Samuel Baker esploratzailea izan zen aintzira ikusi zuen lehenengo europarra, eta, Victoria erreginari berrikitan hil zitzaion senarraren omenez, Albert izena jarri zion. Mobutu Sese Seko Kongoko presidenteak behin-behinekoz bere izena jarri zion lakuari: Mobutu Sese Seko aintzira.

Afrikako aintziretan ohikoa den fauna hartzen du, nilotar krokodiloak eta hipopotamoak esate baterako. Hegaztien artean ere aniztasun handia du, pelikanoak, flamenkoak, lertxunak, arrano arrantzaleak, hainbat zikoina espezie...

55 arrain espezie ere deskribatu dira, aipagarriena Niloko perka, bertan baitu jatorria.

• Afrikako Aintzira Handiak
• Afrikako geografia

1°0′N 30°5′E

Afrikako Aintzira Handiak
Afrikako Aintzira Handien mapa Afrikako Aintzira Handiak	Aintzirak: A – Albert • E – Edward • K – Kivu • T – Tanganyika • Y – Kyoga • V – Victoria • M – Nyassa Eskualdeko estatuak: UG – Uganda • KE – Kenya • CD – Kongoko Errepublika Demokratikoa • RW – Ruanda • BI – Burundi • TZ – Tanzania • ZM – Zambia • MW – Malawi • MZ – Mozambike