Alan García Pérez

Alan García Pérez
	; (2010) Irudi gehiago
64. Peruko presidente
61. Peruko presidente
Peruko Diputatuen Ganberako kide
Bizitza
Jaiotzako izen-deiturak	Alan Gabriel Ludwig García Pérez
Jaiotza	Lima, 1949ko maiatzaren 23a
Herrialdea	Peru
Bizilekua	Lima
Lehen hizkuntza	gaztelania
Heriotza	Lima, 2019ko apirilaren 17a (69 urte)
Heriotza modua	suizidioa: tiroa buruana
Familia
Ezkontidea(k)	Carla Buscaglia Castellano (en) ; Pilar Nores de García (en) (1978 - 2010)
Seme-alabak	ikusi Carla García Buscaglia (en) ;
Hezkuntza
Heziketa	Madrilgo Complutense Unibertsitatea ; Sorbona Berria Unibertsitatea - Paris 3 ; Parisko Unibertsitatea I - Panthéon-Sorbonne ; Pontifical Catholic University of Peru (en) ; National University of San Marcos (en)
Hizkuntzak	gaztelania
Jarduerak
Jarduerak	politikaria, abokatua, idazlea, legelaria eta soziologoa
Altuera	190 zentimetro
Jasotako sariak	ikusi Elisabet Katolikoaren Ordenaren lepokoa : Juan Carlos I.a (2008ko urriaren 24a) ; Hungarian Order of Merit ; Order of the Liberator General San Martín ;
Sinesmenak eta ideologia
Alderdi politikoa	American Popular Revolutionary Alliance. (en)

Alan García Pérez (Lima, 1949ko maiatzaren 23a - ibidem, 2019ko apirilaren 17a) perutar politikaria eta legegizona izan zen. Peruko lehendakaria izan zen 1985-1990 eta 2006-2011 bitartean.

Bizitza

Limako San Marcos Unibertsitatean zuzenbide-ikasketak egin zituen eta Madrilgo Unibertsitate Complutensean doktoregoa lortu. Sorbonan eta Parisko Latinoamerikako Goi Ikasketen Institutuan osatu zituen ikasketak. 1978. urtean, Perura itzuli zen, Amerikar Herri Aliantza Iraultzailearen (APRA) sortzaile Víctor Raúl Haya de la Torrek hala eskatuta, eta politika-lanetan murgildu zen buru-belarri. Ahaldun aukeratu zuten 1980an, eta batzar konstituziogileko kidea izan zen. 1982. urtean APRA alderdiko idazkari nagusi izendatu zuten, eta 1984an lehendakaritzarako hauteskundeetarako hautagai aurkeztu. 1985eko hauteskundeak irabazi eta lehendakari-kargua eskuratu zuen (1985-1990).

Bere agintaldian, Latinoamerikaren batasunaren alde lan egin zuen, eta hasieran Nazioarteko Diru Funtsaren asmoei aurre egiten ahalegindu zen. Dena dela, agintaldiak aurrera egin ahala, haserrea nagusituz joan zen hainbat sektoretan, nazionalizazio-politika bideratu zuelako; militarrek indar gehiago nahi zuten, Peruko Alderdi Komunistaren gerrilla-taldeari aurre egiteko neurri gogorragoak eskatzen zituzten-eta, azkenik, APRA alderdiko agintaritzatik aldendu zuten, alderdiko krisi baten ondorioz. Presio handia jaso zuen, eta azkenik, Nazioarteko Diru Funtsaren eta Munduko Bankuaren laguntza eskatu behar izan zuen. 1990ean Alberto Fujimorik hartu zuen Peruko lehendakari-kargua, eta, 1992an estatu-kolpea egin zuenez gero, Kolonbian eta Frantzian bizi izan zen Alan García.

Fujimoriren diktadura eroritakoan, García Perura itzuli zen, eta 2001. urteko hauteskundeetara aurkeztu bazen ere, Alejandro Toledok irabazi zituen. García oposizioko burua izan zen (2001-2006). 2006ko hauteskundeak, ordea, irabazi egin zituen, eta lehendakari-kargua eskuratu zuen (2006-2011).

Bere burua hil zuen 2019ko apirilaren 17an.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Datuak: Q167211
Multimedia: Alan García / Q167211

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.