Alain Souchon

Alain Souchon (Casablanca, 1944) frantziar abeslaria eta antzezlea da. Lehenengo diskoarekin izugarrizko arrakasta izan zuen Frantzian: J´ai dix ans (1974, Hamar urte ditut). Doinu berria, idazketa berria ordu arte egin zenaren oso bestelakoa, Laurent Voulzy musikagilearekin zuen konplizitatea, dira Souchonen ezaugarri nagusiak. 1976. urtean kantuen hitzak idazten hasi zen, eta Rockcollection idatzi zuen Laurent Voulzyrentzat; izugarrizko arrakasta izan zuen. Hala, lan arrakastatsuak batzuk besteen atzetik etorri ziren, bai beretzat idatzi zituen lanetan ("Allo maman bobo", "Jamais content", "Y'a de la rumba dans l'air", "La P'tite Bill", 1977; "Papa Mambo", "Le Bagad de Lann-Bihoué", "Toto trente ans", 1978; "Marchand de sirop", "Rame", 1980; "Foule sentimentale", "L'Amour à la machine", "Sous les jupes des filles", 1993), bai Laurent Voulzy ("Bubble Star", 1978; "Karin Redinger", "Le Coeur grenadine", 1979; "Bopper en larmes", 1983; "Belle-Île en Mer Marie-Galante", 1985) edo Françoise Hardy ("C'est bien moi", 1982) abeslariei idatzi zizkienetan ere. 1978an François Truffaut zinemagileak eman zion lehenengo antzezle-papera L'Amour en fuite (Maitasuna ihes doa) lanean. Filmak arrakasta handia izan zuen eta 1983an L'Été meurtrier de Jean Becker (1983, Jean Beckerren uda odoltsua) egin zuen.

Alain Souchon
Irudi gehiago
Bizitza
Jaiotzako izen-deiturak	Alain Édouard Kienast
Jaiotza	Casablanca, 1944ko maiatzaren 27a (79 urte)
Herrialdea	Frantzia
Familia
Seme-alabak	ikusi Pierre Souchon Ours
Hezkuntza
Hizkuntzak	frantsesa
Jarduerak
Jarduerak	abeslaria, egile abeslaria, kantugilea, zinema aktorea eta estudioko musikaria
Altuera	1,75 metro
Jasotako sariak	ikusi Vincent Scotto Award Arte eta letren komendadorea Victoires de la Musique – Male artist of the year  (1994)
Kidetza	Sol En Si
Genero artistikoa	chansona
Musika instrumentua	gitarra akustikoa pianoa ahotsa
Diskoetxea	Virgin Records
alainsouchon.net