Al-Ahsa
Al-Ahsa, Ahsa[1] edo Hadjar (arabieraz: الأحساء, al-Aḥsāʾ; bertakoek al-Ḥasāʾ) Saudi Arabiako ekialdeko eskualdea da.
| Al-Ahsa | |
|---|---|
 Gizateriaren Ondare | |
 | |
| Datu orokorrak | |
| Mota | cultural landscape (en)  eta hiri handi |
| Azalera | 8.544 ha |
| Geografia | |
 | |
| Koordenatuak | 25°25′46″N 49°37′19″E |
| Estatu burujabe |  Saudi Arabia |
| Province of Saudi Arabia | .png.webp){kind=small} Eastern Province |
Geografia
Persiar golkoaren ertzean dago, Kuwaiten eta Bahrainen artean. 60 kilometro zabal eta 500 kilometro luze den zerrenda bat hartzen du itsasertzean, eta 50.000 kilometro koadroko eremua du. Oasi eta aintzira asko daude. Al-Hufuf, Ad-Damman eta Dharan dira hiri nagusiak.
Ekonomia
Arabiako penintsulako eskualderik emankorrena da (laboreak, fruituak, datilak). Beduino nomadek gameluak, asto zuriak eta, batez ere, ile motzeko ardiak hazten dituzte. Bestalde, Al-Hasako petrolio-hobiak munduko emankorrenetakoak dira (Abqaiq, Ayn Dar, Damman, Al-Qatif), eta handik abiatzen dira Arabian zeharreko petrolio-bideak. 1938an, petrolio-hobiak aurkitu zituzten Dammanen, eta ondorioz, eskualdeak modernizazio-prozesu azkarra izan zuen. 1960ko hamarkadaren hasieran, eguneko milioi bat barril petrolio (160.000 m3) ekoizten ziren.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
