Akwasi Afrifa

Akwasi Amankwaa Afrifa (Mampong, 1936ko apirilaren 24a - Akkra, 1979ko ekainaren 26a) ghanatar militar eta politikaria izan zen, Ghanako Errepublikako estatuburua 1969–1970 bitartean.[1]

Akwasi Afrifa

Ghanako presidente

1969ko apirilaren 2a - 1970eko abuztuaren 7a
← Joseph Arthur Ankrah - Nii Amaa Ollennu →
Minister for Defence (en) Itzuli

1968 - 1969
Minister for Finance and Economic Planning (en) Itzuli

Bizitza
JaiotzaMampong (en) Itzuli, 1936ko apirilaren 24a
Herrialdea Ghana
HeriotzaAkkra, 1979ko ekainaren 26a (43 urte)
Heriotza modua: bala zauria
Hezkuntza
HeziketaRoyal Military Academy Sandhurst (en) Itzuli
Adisadel College (en) Itzuli
Mons Officer Cadet School (en) Itzuli
Hizkuntzakingelesa
Jarduerak
Jarduerakpolitikaria eta militarra
Graduateniente jeneral
soldadu
Sinesmenak eta ideologia
ErlijioaPresbiterianismoa
Alderdi politikoaUnited National Convention (en) Itzuli

Bizitza

Akwasi Afrifa Mampongen jaio zen, 1936ko apirilaren 24an. 1957an sartu zen Armadan, eta Ingalaterran osatu zituen ikasketa militarrak. 1960ko hamarkadan Kongoko krisialdian parte hartu zuen, Nazio Batuen bake indarren barnean. 1966ko otsailaren 24an, estatu kolpe bat eman zuen, Emmanuel Kwasi Kotokarekin batera, Kwame Nkrumah presidentea kargutik kentzeko. 1966tik 1969ra, Askapen Nazionalerako Kontseiluko kide izan zen, Joseph Arthur Ankrah buru zelarik. 1969ko apirilaren 2an, Ankrah ordeztu zuen presidentetzan. 1970eko abuztuaren 7an, berriz, Nii Amaa Ollennuren esku utzi zuen kargua.[2][3]

1972ko urtarrilean, Ignatius Kutu Acheampongen estatu kolpearen ondoren, atxilotu zuten, eta abendura arte egon zen preso.[2] 1978an, bide demokratikora itzultzeko eskatzen zuen Askatasun eta Justiziarako Herri Mugimendua zuzendu zuen.[3] 1979ko ekainaren 18ko hauteskundeetan diputatu aukeratu bazuten ere, orduko atxiloturik zegoen, Jerry Rawlings kapitainak beste estatu kolpe bat emana baitzuen. Ekainaren 26an, fusilamendu-pelotoi batek Akwasi Afrifa hil zuen, Fred Akuffo presidente ohiarekin batera.[4][3]

Erreferentziak
  1. Ghana: Heads of State: 1960-2020. archontology.org (Noiz kontsultatua: 2020-12-12).
  2. Lt. Gen Akwasi Amankwa Afrifa. ghanaweb.com (Noiz kontsultatua: 2020-12-14).
  3. Leaders of Ghana: Lt. Gen Akwasi Amankwa Afrifa. Ghana 50, web.archive.org (Noiz kontsultatua: 2020-12-14).
  4. Rockson, Adolfo. An Innocent Soul, Lt. General Afrifa, was Taken out of Envy – Rawlings Confesses. modernghana.com (Noiz kontsultatua: 2020-12-14).

Kanpo estekak
Biografia
Ghana
 Artikulu hau Ghanako biografia baten zirriborroa da. Wikipedia lagun dezakezu edukia osatuz.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.