Akio Morita

Akio Morita
	; Irudi gehiago
Bizitza
Jaiotza	Tokoname (en) , 1921eko urtarrilaren 26a
Herrialdea	Japonia
Heriotza	Tokio, 1999ko urriaren 3a (78 urte)
Heriotza modua	berezko heriotza: pneumonia
Hezkuntza
Heziketa	Osakako Unibertsitatea
Jarduerak
Jarduerak	enpresaburua, ingeniaria eta fisikaria
Jasotako sariak	ikusi Britainiar Inperioko Ordenaren zaldun komendadorea ; Ohorezko Legioko komandantea (1998) ; International Emmy Directorate Award ; Sant Jordiren gurutzea (1996) ; Order of the Rising Sun, 1st class ; Albert Medal (1982) ; IEEE Founders Medal (1994) ; Meritu Zibileko Ordenaren Gurutze Handia (1990) ;
Kidetza	Arteen eta Zientzien Ameriketako Estatu Batuetako Akademia

Akio Morita (Nagoia, Aichi, Japonia, 1921eko urtarrilaren 26a - Tokio, Japonia, 1999ko urriaren 3a) japoniar enpresa-gizona izan zen, Japoniako enpresa-gizon ospetsuenetakoa.

Biografia

Osakako Unibertsitatean ikasi zuen. Gerra-garaian, enperadorearen ontzidian aritu zen lanean. 1946an, Sony etxea sortu zuen, Ibuka Masarurekin. Finantza-, marketin- eta merkataritza-lanen arduradun izan zen. Nazioartean izan zuen lehenengo arrakasta miniaturazko irrati-transistorea izan zen (1955ean). Gero, Estatu Batuetan Sony zabaltzeko oinarri sendo bat osatu zuen, eta hainbat lantegi jarri zituen Kalifornian.

1970ean, Sony izan zen New Yorkeko burtsan kotizatu zuen lehenengo japoniar enpresa. 1971tik aurrera, enpresako lehendakari izan zen, eta, 1976tik aurrera, zuzendari nagusia.

Moritak erabaki zuen Sonyk gai berritzaileekin lan egin behar zuela, walkmanak eta bideo-zintak eginez, esate baterako. Garrantzizko lana egin zuen, bestalde, Japoniaren eta Estatu Batuen arteko merkataritza-tirabirak baretzeko, bi herrialdeetako harreman ekonomikoetako taldean lan eginez.

Burmuinetako eritasun baten ondorioz, Sonyren zuzendaritza utzi behar izan zuen 1994an.

Kanpo-estekak

(Ingelesez) Akio Morita Library

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q310845
Multimedia: Akio Morita / Q310845

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.