Aines Asiskoa

Santa Aines Asiskoa (Ines Asis, 1197 / 1198 – 1253 ) Italiako santu katolikoa da, Santa Klara Asiskoaren ahizpa gaztea, eta eta abadesa izana Klarak fundatutako Klaratarren moja ordenean. [1]

Aines Asiskoa
Irudi gehiago
Bizitza
Jaiotza	Asis, 1197 (egutegi gregorianoa)
Heriotza	San Damiano (en) , 1253ko azaroaren 16a (egutegi gregorianoa) (55/56 urte)
Hobiratze lekua	Asis
Familia
Ama	Ortolana
Anai-arrebak	ikusi Klara Asiskoa
Jarduerak
Jarduerak	moja
Santutegia
Azaroaren 16
Sinesmenak eta ideologia
Erlijioa	Erromatar Eliza Katolikoa
Erlijio-ordena	Klaratar

Familia noblekoak ziren Klara eta Aines, eta ahizpa nagusiak familia utzi eta erlijioaren bideari ekitea erabaki zuenean, Ainesek jarraitu egin zion, baina familiak nesken osaba Monaldo bidali zuen, ahizpak etxera itzultzeko. Monaldo ahizpak indarrez jotzen saiatu zen, haiek menderatzeko, baina mirariz bere besoak indarra galdu zuen. Beste gudari batzuek Aines harrapatu zuten, baina arrastaka eramaten saiatu zirenean, ezin izan zuten, Ainesen gorputzak mirarizko pisu ikaragarria bereganatu zuelako. Zeinu horietan Jainkoaren nahia ikusi zuten harrapatzaileek, eta joaten utzi zieten ahizpei.

Klarak Asisen bertan sortu zuen bere ordena erlijiosoa, Klaratarrena, baina jarraitzaileak handitzen joan zirenean, abadesa izendatu zuen bere ahizpa Aines, eta honek, 1219 urtean, Florentziako Monticelli-ko emakume txiroen komunitatea eratuz eta gobernatuz lan egin zuen.