Ailakkajärvi
Ailakkajärvi edo Aillahasjávri aintzira Enontekiö udalerri finlandiarrean dagoen aintzira bat da. Käsivarsi Eremu Basatiaren mugan dago, Lappi osoko hegazti-espezie ugarienak aurki daitezkeen eremu basatiaren mugan, hain zuzen; aliota txikiak, antzara nanoak, belatz handiak, elur-hontzak, eskandinaviako lagopodoak, ipar-belatzak, ipar-kaskabeltzak, laponiako kaskabeltzak, marikoi isats-luzeak, negu txontak eta papourdinak dira, esaterako, aintzira inguruan aurki daitezkeen hegazti-espezie batzuk. Inguruko baldintza latzei probetxu ateratzea lortu duten animalia ugari dago ere; hala nola, azeri zuri eta gorriak, elur-oreinak, erbinude zuriak, eskandinaviako lagopodo eta lursaguak, ipar-katamotzak, jatunak, mendi lemingak, lursagu txikiak eta tundrako satorrak [1].
| Ailakkajärvi aintzira Ailakkajärvi (fi) / Aillahasjávri (se) | |
|---|---|
| Datu orokorrak | |
| Garaiera | 663 m |
| Mota | aintzira eta lake or pond (en)  |
| Geografia | |
 | |
| Koordenatuak | 68°57′24″N 21°06′04″E |
| Estatu burujabe |  Finlandia |
| Regional State Administrative Agency | Regional State Administrative Agency for Lapland |
| Finlandiako eskualdeak | Lappi |
| Finlandiako udalerriak | Enontekiö |
| Hustubidea | Könkämäeno ibaia |
Uda partean iristen diren beste ohiko biztanle batzuk hartz arreak eta otsoak dira.
Termisjärvi aintzira ipar-mendebaldean, Peerajärvi hegoaldean, eta Kilpisjärvi aintzira eta herrixka ipar-ekialdean dira Ailakkajärvi aintziraren bizilagunak. Inguruko muinoen gailurretatik, bereziki Ailakkavaara muinotik, erortzen den urak betetzen du aintzira; bestalde, ateratzeko orduan, urek, lur azpiko pasabideetatik Könkämäeno ibaira isurtzea lortzen dute, azkenik, Botniako Golkoraino iristeko [2].
Aintzira oso ezaguna da arrantza munduan; izan ere, bertan, amuarrain marroi eta laponiako amuarrain artiko handienak arrantzatzera uda partean etorri ohi diren arrantzaleen kopurua handia da. Gainera, aintziraren ondoan borda batzuk daude gaua bertan pasa ahal izateko. Gutxi gorabehera, azarotik ekainera izoztua egon ohi da aintzira eta bertako hiru uharte nagusiak zuhaizti txiki bilakatzen dira lurzoru izoztuaren gainean.
Kanpo estekak
- Ailakkajärviko bordak (Ingelesez)
