Ahuntza kimu jaten

Ahuntza kimu jaten
Jatorria
Sortzailea(k)	ezezaguna
Sorrera-urtea	K.a. III. milurtekoa[[Kategoria:Adierazpen errorea: Ustekabeko < eragilea hamarkadako lanak]]
Izenburua	Ram in a Thicket
Mugimendua	art of Mesopotamia (en) ; Sumerra
Aurkikuntza lekua	Ur
Aurkikuntza data	1928
Kultura	Sumerra
Ezaugarriak
Genero artistikoa	Sumerra
Kokapena
Lekua	British Museum ; Irak
Bilduma	British Museum
Koordenatuak	30°57′41″N 46°06′22″E

Ahuntza kimu jaten edo Sasiarteko aharia Irak hegoaldean dagoen Ur hiri historikoan aurkitutako irudia da, K. a. 2600-2400 aldean egindakoa. Bi antzekoak aurkitu ziren; argazkikoa Londresko British Museumen erakusten den bitartean, bestea Pennsylvaniako Unibertsitatearen Museoan, Filadelfian, ikus daiteke.

Aurkikuntza

Bi irudiak "Heriotzaren Putzu Handia"n aurkituak izan ziren, Ur hiriaren errege-hilerrian. 1928-1929 denboraldian Leonard Woolley arkeologoak aurkitu zituen Pennsylvaniako Unibertsitatearen eta British Museumen elkarreko kanpainan. Horrek argitzen du gaur egun piezak hain toki desberdinetan gordetzearen arrazoia. Nahiz eta ahuntz izan Wolleyk ahariak bezala identifikatu zituen; haren ustez Genesiko 22 v.13 pasartearekin lotura zuzena baitzuten. Pasarte horretan Abrahamek bere semea Isaak hiltzeko unean begirada altxatu zuen eta sasiartean harrapatuta zegoen ahari bat ikusi zuen. Orduan, aharia hartuta, semea utzi zuen eta animalia hil zuen holokauston Jaungoikoari eskaintzeko.

Deskribapena

Irudia ez da oso handia, 42 zm. Aurkitu zutenean lurraren zamak deformatuta zegoen eta barruko zurezko gunea deseginda zegoen. Wolleyk irudiaren elementu guztiak elkartuta gordetzeko argizari erabili zuen. Ahuntzaren burua eta hankak urre orriz estalia zeuden. Belarriak kobrezkoak dira. Adarrak lapislazulizkoak dira eta artila elkartutako maskorrez eginak. Irudiaren sexu-organuak urrezkoak dira. Sabelean oso degradatuta zegoen zilarrezko plaka bat zen. Zuhaixka, aldiz, urre-orriz eta urrezko lorez estalia dago. Irudi osoa maskorrez, kare gorriaz eta lapislazuliz egindako mosaikodun oinarri baten gainean dago. Hasieran bi ahuntzak bata bestearen aurrean egongo lirateke. Bizkarretik tutu bat ateratzen zaio ahuntz bakoitzari eta hortik objektu bat heltzeko erabiliak izan zirela pentsatu dute espezialistek.

Bibliografia

Leonard Woolley: Ur: the First Phases, Penguin Books, Londres eta New York (1946).

Kanpo estekak

Datuak: Q2915613
Multimedia: Ram in a Thicket / Q2915613

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.