Ahabia

Ahabia (Vaccinium myrtillus) Ericaceae familiako landare bat da. Baia jangarriak ematen ditu. Europako, Ipar Amerikako eta Asiako iparraldean hazten da, mendietako oihanpeetan, lurzoru azidoetan, zohikaztegietan eta konifero-basoetan.

Ahabia
Sailkapen zientifikoa
ErreinuaPlantae
OrdenaEricales
FamiliaEricaceae
GeneroaVaccinium
Espeziea Vaccinium myrtillus
Datu orokorrak
Gizakiak ateratzen dizkion produktuakahabia
Vaccinium myrtillus

Ezaugarriak

Zuhaixka hostoerorkorra da, metro bateko altuerarainokoa. Adar berdeak ditu. Hostoak obalatuak dira, txandakatuak, larrukarak, berde argiak edo horixkak; ertzak horzdunak dira, eta peziolo laburra dute. Loreak txikiak dira, berde arrosaxkak, bost petaloz eta bost sepaloz osatuak. Fruitua baia beltz urdinxka bat da, zapore atseginekoa eta gazi-gozoa.

Hostoak aberatsak dira burdina eta manganesotan, baita azido organikotan ere (azido bentzoikoa, azido malikoa, azido zitrikoa, azido kinikoa...). Fruituak taninoak ditu, azukreak eta pektina.

Propietateak

Astringentea da, taninoengatik. Tonikoa eta antiseptikoa da, eta P bitamina du. Asko janez gero, intoxikazioa eragin dezake hidrokinonagatik.

Sinonimia
  • Vaccinium myrtillus bar. leucocarpum Hausm. 1852
  • Vaccinium myrtillus bar. anomalum Rouy 1908
  • Vitis-Idaea myrtillus (L.) Moench 1794
  • Vaccinium montanum Salisb. 1796
  • Vaccinium angulosum Dulac 1867
  • Myrtillus sylvatica Drejer 1838
  • Myrtillus nigra Gilib.
  • Myrtillus sylvaticus Drejer
  • Vaccinium myrtillus var. minoriflora Sennen & Elías in Sennen

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.