Alemaniarentzako Alternatiba

Alemaniarentzako Alternatiba (alemanez: Alternative für Deutschland, ˌaltɛʁnaˈtiːvə fyːɐ̯ ˈdɔʏtʃlant ahoskatua, AfD, aːʔɛfˈdeː ahoskatua, siglatik ezaguna) alemaniar alderdi politikoa da, muturreko eskuinekoa, doktrina kontserbadore eta euroeszeptikoa duena.[1][2][3]

Alemaniarentzako Alternatiba
Mut zur Wahrheit
Datuak
Izen ofiziala	Alternative für Deutschland
Izen laburra	AfD
Mota	Alemaniako alderdi politikoa
Herrialdea	Alemania
Ideologia	Euroeszeptizismoa, Kontserbadurismo nazionalista, Eskuindar populismoa, Nazionalismo etnikoa, Antifeminismoa, Liberalismo ekonomikoa, alemaniar nazionalismoa, Demokrazia zuzena, Islamofobia eta klima aldaketaren ukapena
Kokapen politikoa	eskuin politiko eta Eskuin-mutur
Jarduera
Kidetza	European Alliance of People and Nations (en) eta Identity and Democracy (en)
Kide kopurua	40.131 (2024ko urtarrilaren 2a)
Bundestag 81 / 736 Europako Parlamentua 9 / 705
Agintea
Lehendakaria	Tino Chrupalla eta Alice Weidel
Egoitza nagusi	Schillstraße, 9, 10785 Berlin
Gazteria	Young Alternative for Germany (en)
Osatuta	Alternative for Germany Baden-Württemberg (en) Alternative for Germany Bavaria (en) Alternative for Germany Berlin (en) Alternative for Germany Brandenburg (en) Alternative for Germany Bremen (en) Alternative for Germany Hamburg (en) Alternative for Germany Hesse (en) Alternative for Germany Lower Saxony (en) Alternative for Germany Mecklenburg-Vorpommern (en) Alternative for Germany North Rhine-Westphalia (en) Alternative for Germany Rhineland-Palatine (en) Alternative for Germany Saarland (en) Alternative for Germany Saxony (en) Alternative for Germany Saxony-Anhalt (en) Alternative for Germany Schleswig-Holstein (en) Alternative for Germany Thuringia (en)
Historia
Sorrera	2013ko otsailaren 6a
Sortzailea	Bernd Lucke (en)
Sorlekua	Oberursel
Koloreak
webgune ofiziala

Bernd Lucke Hanburgoko Unibertsitateko Ekonomia irakasleak, Konrad Adam Frankfurter Allgemeine Zeitungeko kazetari ohiak eta Alexander Gauland eta Gerd Robanus CDUko politikari ohiek 2013an sortu zuten. Sortu zenetik, AfD ultraeskuinetik aldentzen saiatu da, eta liberalismo klasikora gehiago hurbildu nahi izan du.[4]

Bere hauteskunde programa euroaren, herrialde periferikoen erreskateen eta alemaniar markoaren itzuleraren defentsan oinarritzen da. Eurogunearen desegite ordenatu eta pixkanakakoa defendatzen dute. Fundazio-kongresua 2013ko apirilaren 14an egin zen, Berlinen. AfD alderdiak Bundestagerako hauteskunde-kanpainan sartzea erabaki zuen, euroaren «akats historikoa» desegiteko deia eginez. Europako migrazio-krisiaren testuinguruan Alemaniara iritsitako migratzaileen oldearen aurka daude. AfD krisi hartatik herritarren babesa handitzen ari da, bai maila nazionalean, bai estatu federatuetan.

AfD alderdi populista eta ultraeskuindartzat jo izan dute.[5][6][7] Hainbat kidek arrazista[8][9] eta xenofobotzat jo izan diren adierazpenak egin dituzte. Alemaniar nazionalismoaren defentsan, hedabide batzuek AfD neonazismoarekin alderatu dute,[10] alderdiak kategorikoki ukatzen duena; erantzun gisa, alderdiak debekatu egin du alderdikideek Alemaniako ultraeskuinarekin eta, bereziki, Die Heimat alderdi neonaziarekin loturarik izatea.

AfD 2017ko hauteskundeetan sartu zen lehenengoz parlamentura, botoen %12,6 eta 94 diputatu eskuratuta.[11]