Adurtza
Adurtza Gasteizko (Araba) auzoa da, Olarizu ondoan kokatuta dagoena. Hiriaren hego-ekialdean dago. Iparraldean trenbidearekin egiten du muga, hegoaldean Olarizuko parkearekin, mendebaldean San Kristobal auzoarekin eta ekialdean Oreitiasolo industrialdearekin.
| Adurtza | |
|---|---|
 Euskal Herria | |
 Adurtza Hegoalde gizarte etxetik | |
 | |
| Kokapena | |
| Herrialdea |  Araba |
| Udalerria | Gasteiz |
| Administrazioa | |
| Posta kodea | |
| Geografia | |
| Koordenatuak | 42°50′11″N 2°39′42″W |
| Demografia | |
Auzoaren gune nagusiaz gain, etxebizitzen beste bi gune ditu: 1950eko hamarkadan eraikitako Errekaleor etzebizitza multzoa, Errekaleor ibaiaren alboan eta Neveras muinoaren azpian dagoena, eta Esmaltaciones enpresa zegoen tokian 2010eko hamarkadan eraiki ziren etxebizitza berriak, Olarizuko parkearen sarreran.
Historia
Erdi Aroan zehar Adurzaha (1025) izeneko herrixka bat egon zen, gaur egun hutsik dagoen Olarizu eta Gasteizko herrien artean. Herrixkatik antzinako galtzada erromatar bat igarotzen zen eta Donejakue Bidearen adarretako bat. Adurtza, 1258ean Gasteizi utzitako herrixketako bat izan zen. Denborak aurrera egin ahala, Gasteizi erabat loturik geratu zen, eta kanpoaldeko auzoaren izaera hartu zuen. San Kristobal izenaz ere izan zen ezagutua, auzoan kokatzen den San Kristobalgo baseliza zaharrarengatik.
Auzoaren erabateko garapena 1950eko hamarkadan hasi zen, gaur egungo Adurtzako auzoaren eraikitzearekin. Ondorengo hamarkadetan, Iturritxu kalea eraiki zen, Gasteizko hiria inguratzen duen errepidearen alboan kokatua eta hegoaldean Gasteizen muga dena.
Ikus, gainera
- Olaran (Gasteiz) (HAPOko 14. sektorea, Errekaleor barne biltzen duena)
Kanpo estekak
 |
Euskarazko Wikipedian bada atari bat, gai hau duena: Gasteiz |
