Adrian Lyne

Adrian Lyne
Bizitza
Jaiotza	Peterborough, 1941eko martxoaren 4a (83 urte)
Herrialdea	Erresuma Batua
Hezkuntza
Heziketa	Highgate School (en)
Hizkuntzak	ingelesa
Jarduerak
Jarduerak	film-zuzendaria, gidoilaria, zinema ekoizlea eta errealizadorea

Adrian Lyne (Peterborough, Ingalaterra, 1941eko martxoaren 4a) britainiar zinema zuzendaria da.

Bizitza

Zazpi urte zituela Londresa joan zen bizitzera bere familiarekin. Ikasketak amaitu ondoren, Walter Thomson publizitate agentzian lan egin zuen. 1971n bere ekoizpen etxea sortu zuen eta telebistarako iragarkiak zuzentzen hasi zen. Baina zineman hasi nahi zuen eta Estatu Batuetara joan zen. Ordurako Lyneren hainbat film labur estreinatu ziren Londresko Zinema Jaialdian eta Cannes-eko Publizitate Zinemako Jaialdian, eta urrezko dominak irabazi zituen haiekin.

Lehenengo film luzea 1980an egin zuen: Foxes («Azeriak»), lau gazte eta haien arazoen istorioa. Hurrengo filma Flashdance izan zen, eta arrakasta handia lortu zuen. 1985ean izugarrizko arrakasta izan zen beste film bat egin zuen, 9 aste eta erdi hain zuzen. Film haren ildo beretik osatu zuen Erakarpen Zorigaiztokoa. Azken horrek ere berebiziko harrera izan zuen. Handik bi urtera Jacoben eskailera estreinatu zuen. Baina film hura ausartegia zen, eta ez zuen ikusleengandik erantzun handirik izan. Proposamen lizun bat filmarekin Lyne probokatzailea itzuli zen. Hurrengo lana, Lolita, aurrekoak bezalaxe, arrakastatsua izateko osagaiak zituen, baina ez zuen espero bezain harrera ona izan.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2016/02/03 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q373474

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.