Adolphe Jauregi

Adolphe Jauregi (Izura-Azme, 1898ko otsailaren 18a -Donibane Garazi, 1977ko irailaren 4a) baxenafar errugbilaria izan zen, hegaleko postuan aritzen zena.[1] Bi aldiz irabazi zuen Frantziako errugbi txapelketa Stade Toulousainekin, 1922an eta 1923an. 1920-1929 bitartean, 31 partida jokatu zituen Frantziako errugbi selekzioarekin eta, besteak beste, 1924ko Olinpiar Jokoetan zilarrezko domina irabazi zuen taldeko kidea izan zen.[2]

Adolphe Jauregi

Bizitza
Jaiotzako izen-deiturakAdolphe Jauréguy
JaiotzaIzura-Azme, 1898ko otsailaren 18a
Herrialdea Nafarroa Beherea, Euskal Herria
HeriotzaDonibane Garazi, 1977ko irailaren 4a (79 urte)
Familia
Anai-arrebak
Hezkuntza
Hizkuntzakfrantsesa
Jarduerak
Jarduerakhamabosteko errugbilaria
Ibilbidea
Taldeak Urteak J P
Tarbes Pyrénées Rugby1918-1919
Frantziako errugbi selekzioa1920ko urtarrilaren 1a-1929ko apirilaren 1a
31
42
Stade Toulousain1920-1923
Stade Français Paris1923-1933
Racing 921919-1920
 
Posizio edo espezialitateahegalekoa
Pisua78 kilogramo
Altuera183 zentimetro
Jasotako sariak

Haren anaia Pierre ere errugbilaria izan zen.

Bizitza

Adolphe Jauregi Izuran jaio zen 1898ko otsailaren 18an. Tarbeko lizeoan ikasi zuen, eta artillerian ibili zen Lehen Mundu Gerraren amaieran.[2] 1918 baino lehen, Stade Bagnèraisen jokatu zuen, Stadoceste Tarbaisen 1918-19 denboraldian, eta Racing Club de Francen 1919-20koan.

1920-1923 bitartean, Stade Toulousainen aritu zen; 1922an eta 1923an Frantziako errugbi txapelketa irabazi zuen talde horrekin, eta azpitxapeldun izan zen 1921ean.[3] 1923an, Stade Françaisek kontratatu zuen, eta bertan aritu zen 1933 arte. 1927an Frantziako txapelketaren finala jokatu zuen Stade Toulousainen aurka, baina okzitaniarrak nagusitu ziren 19 eta 9.[3]

1920ko urtarrilaren 1ean egin zuen debuta Frantziako errugbi selekzioarekin, Parc des Princesen, Eskoziaren kontra.[4] Harrezkero, ibilbide oparoa izan zuen Frantziako talde nazionalean: 31 partida jokatu zituen, eta 14 entsegu lortu. 9 urtez hartu zuen parte Bost Nazioen Txapelketan (1920, 1922, 1923, 1924, 1925, 1926, 1927, 1928 eta 1929an), eta kapitaina izan zen azken hiruretan. Zilarrezko domina erdietsi zuen 1924ko Olinpiar Jokoetan.[2]

Errugbia utzi ondoren, Finantza ministerioko funtzionarioa izan zen, eta kirolari buruzko zenbait liburu idatzi zituen, besteak beste Pelote basque, non euskal pilotaren jakingarri historikoak eta teknikoak azaltzen dituen. 1949-1968 bitartean, Frantziako Errugbi Federazioko presidenteordea eta selekzio nazionalaren batzordeko presidentea izan zen. Talde nazionalaren entrenatzailea ere izan zen, René Crabosekin batera.

Taldeak

Palmaresa

Stadoceste Tarbais
  • Coupe de l'Espérance: 1919[3]

Racing Club de France

Stade Toulousain

Stade Français

Frantziako selekzioa

Idazlanak
  • Souvenirs de rugby, le rugby des années 20 au Pays basque, Éditions Atlantica, 2012
  • Souvenirs, Éditions Kra, 1927
  • Qui veut jouer avec moi ?, Éditions Correa, 1939
  • Pelote basque, Les éditions J. Susse, 1944

Erreferentziak
  1. Adolphe Jauréguy. en.espn.co.uk (Noiz kontsultatua: 2022-10-31).
  2. Adolphe Jauréguy. olympics.com (Noiz kontsultatua: 2022-10-31).
  3. Adolphe Jauréguy. finalesrugby.fr (Noiz kontsultatua: 2022-10-31).
  4. Five Nations - Parc des Princes, 1 January 1920. France 0 - 5 Scotland (FT). en.espn.co.uk (Noiz kontsultatua: 2022-10-31).

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.