Adolfo Araiz

Biografia

Zuzenbidean lizentziatu zen Zaragozako Unibertsitatean 1984an. Nafarroako Unibertsitate Publikoan. 1986ean abokatu kolegiatu zen eta geroztik, jardun horretan dihardu.[1]

Herri Batasuneko Mahai Nazionaleko kidea izan zen 1991 eta 1997 artean. 1997 urteko abenduan espetxeratua izan zen, Auzitegi Gorenak ETA talde armatuarekin kolaborazioaz kondenatua. Auzitegi Konstituzionalak zigorra bertan behera utzi zuen 1999ko uztailaren 20an.[1]

Herri Batasunako zinegotzia izan zen Tafallan 1987 eta 1991 artean. 1991ean Nafarroako parlamentari aukeratua Herri Batasunaren izenean. 1995 urtean berriro izan zen aukeratua. Parlamentari izan zen bitartean, Estatuarekin Hitzarmen Ekonomikoaren Negoziaketa Batzordeko kide izan zen, bai eta Transferentzia Juntakoa ere.[1]

2002an Sakanako Mankomunitateko gerente postua lortu zuen, oposizio bidez. 2005 urtean mankomunitateko interbentore izendatua izan zen.[1]

2003tik izan diren ilegalizazio prozesuetan alderdi eta hauteskunde plataforma ezberdinen defentsa juridiko ekipoetako kide izan da.[1]

2014ko urriaren 7an, Adolfo Araiz izango zela EH Bilduren zerrenda burua 2015eko maiatzeko Nafarroako Legebiltzarrerako hauteskundeetan zabaldu zen. Izendapen ofiziala urriaren 11n egin zuen koalizioak.[2]

Erreferentziak
  1. «Adolfo Araiz: Nafarroako Lehendakaritzarako EH Bilduren hautagaia», EH Bildu, CC-BY-SA lizentzia
  2. Xabier Letona, «Adolfo Araiz izango da EH Bilduren zerrenda buru Nafarroan», Argia, 2014-10-08, CC-BY-SA lizentzia
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.