Administrazio Federalpeko Tribuen Eremua

Afganistango mugan dago lurraldea eta barruteik autonomia berezi bat dute. Biztanleen gehiengoa paxtua da eta haien tradizio tribala jarraitzen dute. Paxtuak dira, bestalde, Afganistango etnia nagusia, eta mugaren alde banatako herritarrek harreman estua daukate.

Gizartea oso erlijiosoa da, eta islamaren adar fundamentalista oso zabaldua dago. Horregatik eta Afganistanekiko loturagatik, talibanen mugimendua bertara azkar zabaldu zen. Ondorioz hainbat talde sortu ziren, gero 2007an TTP erakunde bateratua sortu zutena. Batura baino askoz lehenago bazeramaten Pakistango armadaren aurka gerran sartuta[2].

AEBek Afganistan hartzean talibanen kentzeko (2001), Pakistanen Pervez Musharraf jenerala zegoen buruzagitzan. AEBen estrategiarekin bat egin eta Etxe Zuriaren finantzazioa jaso zuen, batez ere, armadarentzat eremu tribalean erasoaldiak hasi zituen, izan ere, AEBek Afganistango talibanen gune estrategikoa zela uste zuten[2].

Musharrafek, gainera, aukera ikusi zuen eremu tribal horietan botere zentrala sendotzeko. Musharrafen estrategiak porrot egin eta barne gerra odoltsua hasi zen. 2001-2011 artean, borroketan eta atentatuetan 30.000 lagun inguru hil zirela uste da[2].

Ondoren, gobernu zibila ezarri zen eta AEBetan Barack Obama hasi zen agintzen.. Bi herrialdeen arteko harremanak gaiztotu egin ziren; AEBk adierazi zutelako Pakistango zerbitzu sekretuek Afganistango talibanak eta beste talde matxinoak laguntzen zituztela[2].

Islamabadi eremu tribalean presio militar handiagoa jartzeko eskatu zitzaion. Gainera, AEB erasoak egiten hasi zen 2014an bertan droneekin, TTPko eta Al-Kaidako ustezko kideen aurka. 2014ko ekainean armadak beste bi erasoaldi hasi zituen[2].

• Pakistanen banaketa administratiboa