Actimel

Actimel jogurt likido baten marka komertziala da, Danone enpresa frantziarrak probiotiko moduan ekoiztu eta saltzen duena. 1994an hasi zen Europan merkaturatzen.

Actimel
Actimel aktiviert Abwehrkräfte.
Datuak
MotaMarka, marka erregistratua, produktua, Edaria eta Probiotikoa
Agintea
JabeaDanone
Historia
Sorrera1994
Jasotako sariak
Gouden Windei  (2010)
Goldener Windbeutel  (2009)
webgune ofiziala
Twitter: Actimel_es Instagram: actimel_esp Edit the value on Wikidata

Produktu honen osagai bereizgarria, beste jogurten aldean, bakterio laktiko berezia da, Lactobacillus casei immunitas izenekoa (Lactobacillus casei Danone edo Lactobacillus casei DN-114.001 izenekin ere ezagutua). Bakterio honekin batera, jogurtaren ohiko bakterioak (Lactobacillus bulgaricus eta Streptococcus termophilus) daude.

Horretaz gain, jogurt honek D eta B6 bitaminak ere baditu.

Enpresa ekoizlearen arabera, Actimelek, besteak beste, immunitate-sistema bizkortu eta indartu egiten du, organismoaren defentsa organikoak hobetuz. Beste probiotikoekin gertatzen denaren antzera, baina, ikerketa zientifikoek ez dituzte onura horiek argi baieztatzen, sarritan emaitza kontrajarriak agertzen direlako [1] [2]

Euskal Herrian 100 ml-ko ontzietan saltzen da, eta fruta ezberdinetako zaporeetan ere eros daiteke.

Erreferentziak
  1. Parra M D, Martínez de Morentin B E, Cobo J. M, Mateos A and Martínez J. A (2004) Daily ingestion of fermented milk containing Lactobacillus casei DN114001 improves innate-defense capacity in healthy middle-aged people Journal of Physiology and Biochemistry (ingelesez) 60 (2): 85-92
  2. Meyer AL, Micksche M, Herbacek I, Elmadfa I.; Daily intake of probiotic as well as conventional yogurt has a stimulating effect on cellular immunity in young healthy women; Ann Nutr Metab. nº50 (2006), p.282-289

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.