Acinetobacter

Acinetobacter generoa bakterio Gram negatiboz osatuta dago, bazilo edo kokobazilo itxura dutenak. Proteobacteria filumean sailkatuta daude. Ez dira mugikorrak eta ez dute esporarik sortzen.

Acinetobacter
Irudi gehiago
Sailkapen zientifikoa
Erreinua	Pseudomonadati
Filuma	Pseudomonadota
Klasea	Gammaproteobacteria
Ordena	Pseudomonadales
Familia	Moraxellaceae
Generoa	Acinetobacter [[Jean Brisou, André Romain Prévot|]], 1954
Datu orokorrak
Gram tindaketa	bakterio gram-negatibo

Genero honetako bakterioak aske bizi dira ekosistema askotan, batik bat lurzoruan eta uretan. Lurzoruan funtsezko zeregina burutzen dute materia organikoaren mineralizazioan, eta baita hondakin-uretan ere. Batzuetan larruazalean egon daitezke, bakterio komentsal gisa eta inongo patologia sortu gabe.

Bere ezaugarri biokimiko nagusiak honako hauek dira:

• aerobioak
• oxidasa (-)
• katalasa (+)
• ez dute hartzidurarik burutzen
• nitratoen erredukzioa (-)

Acinetobacter ez da patogeno hertsia, baina aldeko baldintzak dituenean sarritan infektatzen du. Mikrobio oportunista da, beraz. Klinika eta ospitaleetan arazoak sortzen ditu bertako gaixoengan (sarritan immunitate-sistema ahula dutenak), eta infekzio nosokomial askoren atzean dago. Penizilina eta beste antibiotiko askorekiko erresistentzia garatu du, eta horrek bere desagerpena zailtzen du.

Oportunista bezala jarduten duenean Acinetobacter-ek arnas-aparatuaren eta iraitz-aparatuaren infekzioak eragiten ditu, eta septizemia ere sor dezake.