Aaliyah

Aaliyah Dana Haughton (1979ko urtarrilaren 16a - 2001eko abuztuaren 25a) estatubatuar abeslari, aktore eta modeloa izan zen. Brooklynen jaio zen, New Yorken, baina Detroiten hazi zen, Michiganen. 10 urterekin Star Search telebista saioan agertu zen eta Gladys Knightekin batera kontzertu bat eskaini zuen. 12 urterekin Jive Recordsekin eta bere osaba Barry Hankersonen Blackground Recordsekin kontratua sinatu zuen. Bere osabak R. Kelly aurkeztu zion, bere mentore izateaz gain abestien idazle eta ekoizle izango zena Aaliyahren lehen albumean: Age Ain't Nothing but a Number. Albumak hiru milioi kopia saldu zituen Ameriketako Estatu Batuetan eta bi platinozko diska eman zizkioten. Ondoren R. Kellyrekin ilegalki ezkondua ote zegoenaren inguruko alegazioak egon ziren eta Jiverekin hautsita Atlantic Recordsera joan zen.

Aaliyah
Irudi gehiago
Bizitza
Jaiotzako izen-deiturak	Aaliyah Dana Haughton
Jaiotza	Brooklyn, 1979ko urtarrilaren 16a
Herrialdea	Ameriketako Estatu Batuak
Bizilekua	Detroit Brooklyn
Lehen hizkuntza	ingelesa
Heriotza	Marsh Harbour (en) , 2001eko abuztuaren 25a (22 urte)
Hobiratze lekua	Ferncliff Cemetery (en)
Heriotza modua	istripuzko heriotza: hegazkin-istripua
Familia
Ezkontidea(k)	Damon Dash  (2000 -  2001)
Anai-arrebak	ikusi Rashad Haughton (en)
Hezkuntza
Heziketa	Detroit School of Arts (en)
Hizkuntzak	ingelesa
Jarduerak
Jarduerak	aktorea, zinema aktorea, abeslaria, modeloa, ballet dantzaria, musikaria, dantzaria eta argazki-modeloa
Pisua	53,1 kilogramo
Altuera	171 zentimetro
Jasotako sariak	ikusi MTV Video Music Award for Best Female Video  (2000) MTV Video Music Award for Best Video from a Film  (2000) American Music Award for Favorite Soul/R&B Album  (2002) : Aaliyah (en) Soul Train Music Award for Best R&B/Soul Single, Female  (2002) : Rock the Boat (en) NAACP Image Award for Outstanding Female Artist  (2002) American Music Award for Favorite Soul/R&B Female Artist  (2002) American Music Award for Favorite Soul/R&B Female Artist  (2003)
Izengoitia(k)	Aaliyah
Genero artistikoa	urbana rock pop musika funk electronica (en) R&B garaikidea hip hop soul (en) hip hop musika soula neo soul (en) rhythm and bluesa progressive soul (en) alternative R&B (en)
Ahots mota	sopranoa
Musika instrumentua	ahotsa
Diskoetxea	Atlantic Records Blackground Records (en) Jive Records Universal Records Virgin Records
aaliyah.com

Timbaland eta Missy Elliottekin lan egin zuen bere bigarren albumerako, One in a Million, hiru milioi kopia saldu zituenak AEBn eta zortzi milioi mundu osoan zehar. 2000. urtean Romeo Must Die filman agertu zen. Soinu-bandan ere parte hartu zuen eta Try Again singlea argitaratu zuen. Queen of the Damned filman agertu zen, ostean, eta 2001ean bere azken diska egin zuen, Aaliyah izenekoa.

2001eko abuztuaren 25ean Aaliyah eta beste zortzi pertsona Bahametan hegazkin istripu batean hil ziren, Rock the Boat singelaren bideoklipa grabatu ostean. Hegazkineko pilotoa zen Luis Morales III.ak ez zuen hegan egiteko baimenik eta toxikologia azterketak erakutsi zuen kokaina eta alkohola zegoela bere organismoan. Hil ostean ere bere hainbat musika diska ekoiztu ziren. Guztira 24 eta 32 milioi diska artean saldu ditu munduan zehar. "R&Baren Printzesa" eta "Pop Urbanoaren Erregina" ezizenak eman dizkiote.