A Song of Ice and Fire

A Song of Ice and Fire
Jatorria
Egilea(k)	George R. R. Martin
Argitaratze-data	1996
Izenburua	A Song of Ice and Fire
Jatorrizko herrialdea	Ameriketako Estatu Batuak
Argitaletxea	Bantam Books (en) , HarperCollins, Gigamesh (en) , J'ai Lu (en) , Gigamesh (en) , Leya (en) eta AST (en)
Ezaugarriak
Genero artistikoa	fantasia eta Fantasia epikoa
Hizkuntza	estatubatuar ingelesa eta ingelesa
Fikzioa
Kontakizunaren tokia	King's Landing (en) , Westeros (en) , Essos (en) , Sothoryos (en) eta Ultos (en)
Fikzio-unibertsoa	World of Ice and Fire (en)
Historia
Jasotako sariak	NPR Top 100 Science Fiction and Fantasy Books (en)
	georgerrmartin.com…

A Song of Ice and Fire (euskaraz Izotz eta Suzko Abestia), George R. R. Martin estatubatuar idazle eta gidoigilearen epika eta fantasiazko eleberri sail bat da. 1991n A Game of Thrones (Tronu Dema) lehenbiziko eleberria idatzi eta 1996an argitaratu zuen. Martinek hasieran trilogia izateko pentsamenduaz hasi eta azkenenan bost eleberri argitaratu ditu, zazpiraino iristeko asmoarekin. 2011n A Dance with Dragons (Herensugeen Dantza) sailaren bosgarren eleberria argitaratu zuen, eta gaur egun The Winds of Winter (Neguaren Haizeak) seigarren eleberria idazten dihardu.

Izotz eta Suzko Abestiaren saila Westeros eta Essos fikziozko bi kontinenteetan kokatzen da. Atal bakoitzean ikuspuntua aldatuz doa pertsonaia ezberdinen arteanː lehenbiziko eleberria bederatzi pertsonaiaren ikuspegitik kontatua da, eta bosgarrenean hogeita hamaika txandakatzen dira. Hiru istorio nagusi agertzen dira: Westeros menderatzeko asmoz hainbat familiaren arteko gerra dinastikoa, Westerosko ipar muturreko Ibiltari Zuriak / Besteak direlako izakien mehatxuaren areagotzea, eta Burdinazko Tronua bereganatzeko Daenerys Targaryen, kargugabetutako eta erbesteratutako erregearen alabaren grina.

Eleberria sortzeko garaian, Martinek Bi Arrosen Gerra (1455-1485) eta Maurice Druon frantziar idazlearen Les Rois maudits (1955-1977, Errege Madarikatuak) eleberri saila oinarritzat hartu zituen.

2019ko apirilerako mundu osoan liburuen 90 milioi ale saldu ziren eta 2017ko urtarrilean 47 hizkuntzatara itzuliak zeuden.

Telesaila

Liburu saila berez ezaguna izan arren, mundu osoan ospetsu bilakatzearen arrazoi nagusietako bat sailean oinarritutako Game of Thrones (2011-2019) telesaila da.

Saila

A Game of Thrones (1996, Tronu Dema)
A Clash of Kings (1998, Errege Kasta)
A Storm of Swords (2000, Ezpaten Ekaitza)
A Feast for Crows (2005, Bele Festa)
A Dance with Dragons (2011, Herensuge Dantza)
The Winds of Winter
A Dream of Spring

Kanpo estekak

George R. R. Martin idazlearen webgunea (Ingelesez)
Lehenengo kapitulua https://istoriolaburrak.blogspot.com/2017/12/tronuen-jokoa-bran-i.html

Datuak: Q45875
Multimedia: A Song of Ice and Fire / Q45875

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.