AS Monaco

Association Sportive de Monaco Football Club
Ezizena(k)	Les Rouge et Blanc, Les Asemistes
Sorrera	1924
Futbol zelaia	Luis II.a estadioa; edukiera: 18.500 lagun; inaugurazioa: 1939
Presidentea	Dmitri Ribolovlev
Entrenatzailea	Adi Hütter
Liga	Ligue 1
2022-3	6.a
Webgunea	Webgune ofiziala

	Etxekoa

	Kanpokoa

AS Monaco FC Frantziako futbol txapelketaren talde nagusietakoa da. Taldeak nahiz eta Monakoko printzerrikoa izan, frantziar ligan hartzen du parte. 7 Liga eta 5 Kopa eskuratuak ditu eta 2004ean Txapeldunen Ligako finala jokatzera iritsi zen.

Jokalariak gola ospatzen.

Stade Louis II.

Historia

Taldea 1924 urtean sortu zen printzerrian zeuden hainbat futbol talde elkartzean. Profesionaletan aritzeko lehen saiakera 1948an egin zuen eta 1953an Frantziako lehen mailara iritsi zen. 1960an lehen kopa eskuratu zuen eta hiru urtetan bi liga eta bi kopa gehiagoz jabetu zen. 70. hamarkadaren bukaeran bigarren aro oparo bati eman zion hasiera berriz ere Ligak eta Kopak irabaziz.

1987an oraindik ezezaguna zen Arsène Wenger entrenatzailea fitxatu zuten. Honek harrobiarekin lan itzela egin zuen eta gerora arrakasta handia izango zuten hainbat jokalari atera zituen, Emmanuel Petit, Lilian Thuram eta Thierry Henry besteak beste. Liga eta Kopa bana irabazteaz gain lehenengo Europar finalera iritsi ziren. Errekopa hura Lisboan jokatu zuten eta Werder Bremenek 2-0 irabazi zien.

Arsène Wenger 1994ean joan arren taldeak emaitza bikainak lortu zituen eta 2004 urtean bigarren final europarra jokatu zuen, oraingoan Txapeldunen Liga. Hau ere ezin izan zuen irabazi, izan ere Gelsenkirchenen FC Portok 3-0 irabazi baitzion. Ondorengo urteetan diru arazoen erruz gaizki ibili eta maila galdu zuen.

2011eko abenduan Dmitri Ribolovlev bilionario errusiarrak erosi zuen taldearen %66a. 2013an maila irabazi eta lehen mailara igo zen eta hurrengo urtean bigarren gelditu da. 2015 eta 2016an ere goian ibili zen eta hirugarren postuak eskuratu zituen. 2017an Txapeldunen Liga bikaina egin zuen eta finalerdietara iritsi da, baina Juventus FC-k kanporatu du. Ligan ordea bikain ibili zen eta erraz irabazi zuen golen errekorra gaindituz gainera. 2018-19 denboraldian ordea 17. amaitu du azken jardunaldian salbatuz.

Uniformea

Hasieran hainbat kolore izan zituen, baina 1940an kolore gorria eta zuria hartu zituen. 1962an talde desberdindua izan nahian Grace printzesak elastikoa diseinatu zuen.

Historikoa





1924-1926





1926-1940





1940-1950





1950-1962





1962-tik

Azken urteak





2018-2019





2019-2020





2020-2021





2021-2022





2022-2023

Palmaresa

Frantzian: 18

Ligue 1 (8): 1961, 1963, 1978, 1982, 1988, 1997, 2000, 2017.
Frantziako Kopa (5): 1960, 1963, 1980, 1985, 1991.
Ligako Kopa (1): 2003.
Trophée des champions (Superkopa) (4): 1961, 1985, 1997, 2000.

Txapeldunen Liga

Txapelduna (0)
Finalista (1): 2004.
Finalerdiak (3): 1994, 1998, 2017.

Europako Futbol Errekopa

Txapelduna (0):
Finalista (1): 1992.

Alpeetako Kopa

Txapelduna (3): 1979, 1983, 1984.

Jokalari ezagunak

Manuel Amoros, Fabien Barthez, Thierry Henry, David Trezeguet, Christian Panucci, Fernando Morientes, Jurgen Klinsmann.

Euskal taldeen aurkako partidak

Hauek dira Europako txapelketa ofizialetan AS Monacok euskal taldeen aurka jokatu dituen partidak:

Denboraldia	Txapelketa	Fasea	Etxekoa	Emaitza	Kanpokoa
2021-22	UEFA Europa League	Liga fasea	Real Sociedad AS Monaco	1-1 -	AS Monaco Real Sociedad

Kanpo estekak

(Frantsesez)Monakoren webgune ofiziala

Datuak: Q180305
Multimedia: AS Monaco / Q180305

2022-23 denboraldiko Frantziako Futbol Liga Txapelketako taldeak
Ajaccio \| Angers \| Auxerre \| Brest \| Clermont \| Lens \| Lille \| Lorient \| Monaco \| Montpellier \| Nantes \| Niza \| Olympique Lyonnais \| Olympique Marseilla \| Paris Saint-Germain \| Stade Reims \| Stade Rennais \| Strasbourg \| Toulouse \| Troyes

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.