APOEL FC
APOEL FC (izen osoa Athletikos Podosferikos Omilos Ellinon Lefkosias, grekeraz Αθλητικός Ποδοσφαιρικός Όμιλος Ελλήνων Λευκωσίας, "Nikosiako Greziarren Athletic Futbol Kluba") Zipreko futbol talde onena da palmaresari dagokionez, Nikosia hiriburukoa. 28 aldiz irabazi du Zipreko futbol liga eta beste 21 aldiz Kopa.
 | |||||||||||||||||||||||||||||||||
| Ezizena(k) | Τhrylos (kondaira) | ||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Sorrera | 1926 | ||||||||||||||||||||||||||||||||
| Futbol zelaia | GSP Stadium edukiera: 22.859 lagun inaugurazioa: 1999 | ||||||||||||||||||||||||||||||||
| Presidentea |  Prodromos Petrides | ||||||||||||||||||||||||||||||||
| Entrenatzailea |  Ricardo Sá Pinto | ||||||||||||||||||||||||||||||||
| Liga | Zipreko Liga | ||||||||||||||||||||||||||||||||
| 2022-23 | 2.a | ||||||||||||||||||||||||||||||||
| Webgunea | Webgune ofiziala | ||||||||||||||||||||||||||||||||
| |||||||||||||||||||||||||||||||||
.jpg.webp)
Historia
APOEL 1926an sortu zuten POEL izenarekin, zeina Podosferikos Omilos Ellinon Lefkosias-en siglak den, hau da, "Nikosiako Greziarren Futbol Kluba" esan nahi duen. Izan ere sortzaileak greziar abertzaleak baitziren eta Zipre Grezian barneratzea amesten zuen jendearen erreferentziazko futbol taldea izatea nahi zuten. 1927an egin zen asanbladan futbolaz aparte beste kirol batzuk ere jorratzea erabaki zuten, izan ere jokalariak beraiek korrikalari onak ere bai baitziren, horregatik gehitu zitzaion Athletic hitza izenari, APOEL bihurtuz.
Berehala lortu zituen emaitza onak, 30. hamarkadan Zipreko talde indartsuena izan baitzen 1936 eta 1940ko liga guztiak irabaziz.
1948an taldeak telegrama bat bidali zion Greziako Atletsimo Amateurraren Federazioari zorionduz Greziako Gerra Zibila bukatu izanagatik. Taldeko ezkertiarrek oso gaizki hartu zuten eskutitza bidali izana eta taldetik atera eta klub berria sortu zuten, Omonia Nikosia FC. Ordutik talde bien arteko harremanak txarrak izan dira. Gainera Omonia talde hobea izan da APOEL baino, batez ere 70 eta 80. hamarkadetan izan zuen nagusitasun erebatekoarengatik. 1972 eta 1989 artean Omoniak 14 liga irabazi zituen eta APOELek hiru baino ez.
90. hamarkadatik hona berriz APOEL nagusitu zaio Omoniari eta gaur egun biak diren arren palmaresik onenak dituzten talde zipretarrak, APOEL da nagusi.
Europako txapelketetan izandako emaitzarik onena 2012an lortu zuen APOELek, Txapeldunen Ligako final laurdenetara iritsi baitzen. Real Madrilek kanporatu zuen Nikosian 0-3 eta Bernabeun 5-2 irabaziz.
Uniformea
Kolore urdina eta horia ditu. Urdinak Grezia irudikatzen du eta horiak Bizantzio.
|
|
|
|
| |||||||||||||||||||||||||||||||||||||||||||||||||||||||||||||||||||||||||||
Palmaresa
Zipren: 63
- Liga (28): 1936, 1937, 1938, 1939, 1940, 1947, 1948, 1949, 1952, 1965, 1973, 1980, 1986, 1990, 1992, 1996, 2002, 2004, 2007, 2009, 2011, 2013, 2014, 2015, 2016, 2017, 2018, 2019.
- Kopa (21): 1937, 1941, 1947, 1951, 1963, 1968, 1969, 1973, 1976, 1978, 1979, 1984, 1993, 1995, 1996, 1997, 1999, 2006, 2008, 2014, 2015.
- Zipreko Superkopa (14): 1963, 1984, 1986, 1992, 1993, 1996, 1997, 2002, 2004, 2008, 2009, 2011, 2013, 2019.
Txapeldunen Liga
- final laurdenak 2012an.
Euskal taldeen aurkako partidak
APOEL taldeak kanporaketa bakarra jokatu du euskal taldeen aurka:
| Denboraldia | Txapelketa | Fasea | Etxekoa | Emaitza | Kanpokoa |
|---|---|---|---|---|---|
| 2016-17 | UEFA Europa League | Final 1/16 | Athletic APOEL | 3-2 2-0 | APOEL Athletic |
Kanpo estekak
- (Grezieraz) webgunea
