AC Sparta Praga

Athletic Club Sparta Praha Fotbal, A.S.
Ezizena(k)	Železná Sparta; (burdinezko Sparta)
Sorrera	1893
Futbol zelaia	Stadion Letná; edukiera: 20.854 lagun; inaugurazioa: 1969 (1994an berriztua)
Presidentea	Daniel Křetínský
Entrenatzailea	Brian Priske
Liga	Gambrinus Liga
2022-23	1.a
Webgunea	Webgune ofiziala

	Etxekoa

	Kanpokoa

AC Sparta Praga (izen osoa Athletic Club Sparta Praha Fotbal, A.S.) Txekiar Errepublikako futbol talde onena da palmaresari dagokionez, Praga hiriburukoa. 12 aldiz irabazi du Txekiar Errepublikako futbol liga eta beste 21 aldiz Txekoslovakiakoa.

Pragako Sparta eta Slavia taldeen arteko derbia.

Etxeko partiduak Stadion Letná estadioan jokatzen ditu.

Historia

Václav, Bohumil eta Rudolf Rudl anaien inguruko jende talde batek sortu zuen taldea 1893an. Kamiseta beltza erabiltzen hasi ziren aurrean "S" txuri bat zeukana, baina Dr. Petřík presidenteak Ingalaterran Arsenal jokatzen ikusi zuen eta harekin liluratuta kamiseta gorria ekarri zuen.

Urterik onenak 30. hamarkadan ezagutu zituen, Txekoslovakiako txapelketak irabazteaz gain garai hartako nazioarteko txapelketa garrantzitsuena zen Mitropa Kopa ere birritan irabazi baitzuen.

Bigarren Mundu Gerraren ondoren ere aro bikaina izan zuen, Txekoslovakiako talde nagusia bihurtu baitzen. 1964ean irabazi zuen bere hirugarren Mitropa Kopa.

Txekoslovakia bitan zatitu zenean Txekiar Errepublikako Liga sortu zen eta Sparta da garaipen gehien lortu dituena, 12 hain zuzen ere. 2010tik titulurik lortu gabea zen baina 2014an Liga eta Kopa irabazi zituen, Kopan partidaren deskontuan berdindu ondoren penaltietan 8-7 garaitu zuen Viktoria Plzeň.

Uniformea





2015-2017





2017-2019





2019-2021





2021-2022





2022-2023

Palmaresa

Txekiar Errepublikan: 22

Liga (13): 1994, 1995, 1997, 1998, 1999, 2000, 2001, 2003, 2005, 2007, 2010, 2014, 2023.
Kopa (7): 1996, 2004,2006, 2007, 2008, 2014, 2020.
Txekiar Errepublikako Superkopa (2): 2010, 2014.

Txekoslovakian: 29

Liga (21): 1926, 1927, 1932, 1936, 1938, 1939, 1944, 1946, 1948, 1952, 1954, 1965, 1967, 1984, 1985, 1987, 1988, 1989, 1990, 1991, 1993.
Kopa (8): 1964, 1972, 1976, 1980, 1984, 1988, 1989, 1992.

Europako Kopa

final erdiak 1992an.

Mitropa Kopa

Txapelduna (3): 1927, 1935, 1964

Kluben arteko Munduko Kopa txikia

Txapelduna (1): 1969

Euskal taldeen aurkako partidak

Hauek dira Europako txapelketa ofizialetan Spartak euskal taldeen aurka jokatu dituen partidak:

Denboraldia	Txapelketa	Fasea	Etxekoa	Emaitza	Kanpokoa
1970-71	Ferien Kopa	Lehen itzulia	Sparta Athletic	2-0 1-1	Athletic Sparta
1998-99	UEFA Kopa	Lehen itzulia	Sparta Real Sociedad	2-4 1-0	Real Sociedad Sparta
2012-13	UEFA Kopa	Multzokako fasea	Sparta Athletic	3-1 0-0	Athletic Sparta

Kanpo estekak

(Txekieraz) webgunea

Datuak: Q193481
Multimedia: AC Sparta Praha / Q193481

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.